Zzin-d 54 n yiseggasen γef tedyanin n 17 tuber 1961, i yeqqimen d cfawat deg allaγen n yizzayriyen, anda lεeskkar n tmurt n Fransa xedmen yiwet n tmecret meqqren, marren yidammen n yizzayriyen.
Ass n 17 ṭuber 1961, d luluf n yimesbaniyen, fγen-d γer yiberdan, suγen mgal taεessast yesbed yimḍebber amenzu n yimsulta « Maurice Papan ». Ugar n 200 n yimesbaniyen ttwanγan, ttwaḍegren deg wasif n « La Seine » sγur iγallen n laman n Maurice Papan.
Ayen yeḍran di tlemmast n « Paris » d ayen ur iqebbel wallaγ n umdan. 54 n yiseggasen id-yezzin γef tedyant-agi tamazrayt, izzayriyen anda ma llan gzin swayen i yeḍran i yeγriben-nnaγ. Γef aya deqs n tmesbaniyin id-yellan di yal timnaḍin n tmurt n Lzzayer d tmurt n Fransa. Taγiwant n Yiεẓẓugen tella di tiεad, imi ass n 15 tuber, yella-d usmekti n tedyanin-agi s tririt n tejmilt i 12 n yemjuhad n temnaḍt-agi n yukkan di tedyanin, annect-a yella-d s uεellaq n ciεat, syen llant-d temliliyin tinigiyin s leḥdur n yemḍebren n tγiwant d dayra n Yiεeẓẓugen, tawacult tagrewliwt ger-asen tudsa taγelnawt n yimjahden, tiddukla tafidiralit n tirni n uslelli aγelnaw n fransa, d tdukla n tarwa n Cuhada d waṭas niḍen. Iswi n tmesbanit-agi tamazrayt, d asfaḍ uγebbar γef umezruy n Lzzayer.
Islam Bessaci