Ncrew-itt-id si…. Tubiret

Partager

* Tawaɣit deg ubrid aɣenaw asammar-amalu

Mmuten sin yemdanen akked ujraḥ n kraḍ yemdanen nniḍen deg yiwen ubaxix id- yellan ass larebɛa ɣef 11:00 n sbaḥ deg ubrid aɣenaw asammar-amalu ɣer tama n temnaḍt talyubin id-yezgan gar sant n temdinin lexḍariya d lqadiriya di lwilaya n tubiret ,anda yiwen n ukamyun yekcem deg yiwet n tkeṛṛust tamecṭuḥt i yellan teddun deg ubrid yemgaraden , dayen id-yeglan s lmmut n sin yilmeẓyen (17/25 di lɛemr nsen) imi mmuten deg umkan -nni kan d ujraḥ n kraḍ yemdanen nniḍen ,dacu kan imejraḥ-agi wwuin-ten s lɛejlan s-ɣur srabes uselek ɣer sbiṭṭar n Ɛmar uɛemran di lexḍriya ,Si tama nniḍen srabes laman tettnadi ɣef uḥeqaq n tedyant-agi acku yal ass ttilint tedyanin yecben tagi deg ubrid-a yettawin ɣer lexḍariya d tmanaɣt n lwilaya , Rnu ɣer s annect-a yettili-d lecɣal deg ubrid-agi aṭas ayagi werɛad it-kemmlen .

* Imezdaɣ n yiṣulaḥ ssuturen aseggem n ubrid

Mazal imezdaɣ n taddart n yiṣulaḥ di tɣiwant n at leɛziz id-yezgan deg ugafa lwilaya n tubiret ttrajun acḥal iseggasen ayagi aseqԑed n waṭas iɣublan ideg ttidiren di tudert nsen d wugguren iten -yettmagaren ,am wayen yeԑnan abrid yettawin ɣer taddart imi weԑden-ten imḍebre s u

ɛiwed dacu kan ur d-iban wacema di tilawt ɣef uṣenfar-agi, ɛlaḥsab imezdaɣ wekkden-d akken taddart nsen tettwaɛzal yerra tezgad gar yidurar yeɛlayen i yettwasnen deg at leɛziz ladɣa deg ussan n tegrest cwiya kan n udfel abrid akk ad yeɣlaq dayen irenun di leɛtab nsen ,Si tama nniḍen četkayen si leɣyab n trisiti n yiberdan id-rennun ṭṭlam i taddart imi acḥal-ayagi ur d-uffin yimḍebren tifrat i wannect-a , dayen yeǧǧan imezdaɣ četkayen s waṭas i yimḍebren akken ad d-rren lwelha nsen ɣer taddart-a yettwaɣen di yal taɣult s tifrat n yiɣublan akked usemres iṣenfaren di tilawt .

* Aseɣḍel n tḥuna ixerben di lhacimiya

Yella-d ass larebɛa yezrin yiwen leqdic s-ɣur yimḍbren n tɣiwant lhacimiya akked ufus n lemɛiwna ijadarmiyen s useɣḍel n tḥuna ixerben i yellan di lḥemmam kessana di tubiret ,anda ɣeḍlen azal 15 tḥuna yettnuzun isufar yemgaraden imi ttwaxerbent ur ԑdilent ara akken iwata akked lexsas n usizdeg umkan ,dayen yeǧǧan imḍebren aten-sɣeḍlen iwakken ad d-rren cbaḥa d usizdeg n temnaḍt d usewsaɛ n ubrid ,Si tama nniḍen tella tmesbanit s-ɣur wid yettnuzun imi ur bɣin ara annect-agi .

Menas Abdekhak

Partager