Asantus Akuku n tmurt n Kenya, yemmut ussan-agi kan iɛeddan, deg leɛmer-is 91 n yiseggasen. Yectel-d deg yiwen uẓar ‘’Luwu’’ netta akked Barack Obama. Yezweǧ akked 130 n tlawin, yesɛa-d ugar n 300 n warraw-is. Mmi-s ameqqran d ṭṭbib, yesɛa 70 n yiseggasen deg leɛmer-is. Yebra i 85 d tameṭṭut i t-ikelxen deg nnif-is. Ɣef wakken yeqqar, lḥerma n tmeṭṭut tugar kulci, nnif-is yeṭṭef taqacuct. Iḥemmel, diɣ, ad izux s yiman-is imi d-yenna : ‘’nekk am ddkir, ulac tameṭṭut i izemren ad tejbed iman-is ma yella uẓeɣ ɣur-s.’’ Yesɛa cci d ayen kan : tiferkiwin n wakal, tiḥuna, tafellaḥt d ttawilat-nniḍen i ixeddmen warraw-is d twacult-is. Yebna sin yiɣerbazen anda qqaren warraw-is, d netta i yettxellisen iselmaden-nni. Yemmut, meɛna yeǧǧa-d ugar n 1500 n dderya n dderya. I limer, yal Aqbayli ad yaɣ 130 n tlawin mačči yili deg kra n yiseggasen kan ad nili majoritaire ? Dɣa ad nevuṭṭi, ad nerr ‘’Taqbaylit’’ akken i aɣ-yehwa. Ad nevuṭṭi la séparation, le divorce n tmurt n leqbayel melmi i aɣ-d-tenfeḥ !!! Eyyaw, ahaw, s ciṭ n ṣwab maḍi, maḍi !
Hocine.M