Aseggas-a yella-d unbeddal n tnmehla anda acḥal d anelmad I d-yegren isuɣan ilmend n tuffɣa n tnemhalt-nni taqburt yesεan 10 n yiseggasen di tesnawit-a . Dɣa rran-d yiwen unemhal ‘’Ḥassayem’’ ikcem-d akken d yinelmaden di tuɣalin ,ɣur-s yakan tirmi deg uḥric usedwel. Ilugan iḥerkel-asen i yinelmaden d yiselmaden akk d inuwar ,tuɣal am uneqqas ,iteddu di tama-s kan , yefka azal i tmussni anda widak ifazen yewwi-ten ɣer temkerḍiḍt taɣelnawt di tmaneɣt id-yellan deg waggur n Tuber, yerra azal daɣen i yidles anda tidukla uɣerbaz usirem n tesnawit deg umenzu-nni n Yennayer yezrin sfuglen armud-a ɣef yiwen n wass s tallelt unemhal , anda yella wahil d ameẓyan ‘’timzikent d tiɣawsiwin n zik akk d yidlisen s tfarest n Tmaziɣt’’ , yella-d daɣen usarag s ɣur «Ɛezdin Zirem» , di taggara d tegnit d akud n ccna d anabaz d ilemziyen-nsen. Deg uḥric n tsekla anda ussan-a iselmaden n Tmaziɣt sewjaden-d aɣmis anda ara meslen d yinelmaden irran ad kkin akk d yiselmaden n tingawin-nniḍen ,wid yeṭṭfen aseɣti n yimagraden d useḍru-ines d iselmaden n Tmaziɣt anda yella gar-asen mass “Ɛecwi Ɛezdin” d netta id-igan amahil-a akk d tselmadin-nniḍen n tanga-a ,anda ara yili ugbur d anesbaɣur deg-s «isefra, inzan, azeṭṭa n wawalen , tullisin ,tamedyazt , timseεraq , tusnakalt ɣef kra umussnaw…. . dɣa tadbelt ur teğği ara, fkan-d afus akken taεekkumt ad t-ifsus , ṭṭfen tasmilt n umsuded i uɣmis , ass ara tsisnen deg snat n tmerwin (20) di yebrir anda i tettuɣal tafugla n tefsut n umaziɣ. Tasnawit Uğeddi yellan di temnaḍt Ukeffadu daymen deg uɣlad n tmussni , tettak tabɣest i unelmad akken ad yaẓ ɣer dzat ama di tussna neɣ deg yidles.
Azedine Abdous