Imezdaɣ n tɣiwant ɛin leḥǧar id- yezgan deg umalu lwilaya n tubiret ɣelqen ass larebɛa yezrin abrid yettawin ɣer tamanaɣt lwilaya n tubiret sebba lkiran yettawin ɣer tama-agi acku rran di ssuma n usiweḍ anda tewweḍ ɣer 30 idinaren imi ayagi yella s ssuma n 20 rran 10 idinaren , ayagi ttwalint imezdaɣ d lbaṭṭel dayen iten- yeǧǧan ad xeddmen timesbaniyin s uɣlaq n ubrid anda ur ǧǧin ara imawlan n lkiran-agi ad 3eddin imi ur qbillen ara anerni n ssuma-agi meḥsub d tikurḍa si leǧyub iẓawaliyen ɣef waya sbegnen-d lɣid nsen am wakken welhen imḍebren n tnemhalt usiweḍ di lwilaya n tubiret akken ad d-rren tamuɣli nsen imi d nutni d iɛeggalen imezwura i teɛna temsalt ɣef wannect-a ttwalin akken fɣen i lqanun imi rnan aṭas xersum lukan 5 idinaren d annect-agi uggin ad truhun s ssuma -agi ur iqebbel ara leɛqel .
Timesbaniyin ɣef tnezduɣin n rrif
Umbaɛd mi d -yesbeggen uselway n tɣiwant leqsar ussan-agi iɛeddan s lejrida n tnezduɣin i yemdanen i d-yesfayden s tnezduɣin ur tɛedda ara di tegnatin igerrzen imi teglad s lɣid meqqren s -ɣur wid ur yesfayden ara s tnezduɣin anda i d-llan aṭas n tmesbaniyin anda wḍen imesbaniyin ami ɣelqen taɣiwant acku nnan-d akken lejrida-agi llan yemdanen ur uklalen ara s tenzuɣin axaṭar ttwalin akken d nutni i yezwaren ilaq ad awwin imi ur sɛin ara yerra yal amdan tezziy- as twacult meqqren, Si tama nniḍen aɣbel-agi mazal-it yettnerni d acu kan ddurt-a tuɣaled ɣef tnezduɣin n rrif imi d aɣbel wayeḍ id-yenulfan di leqsar anda imdanen iwumi ur d-saḥ ara tnezduɣt n rrif ɣelqen ula d nutni taɣiwant ass n tlata iɛeddan ur ǧǧin ara ixeddamen ad kecmen s axeddim nsen sebba lejrida imi ttwalin tt akken d tawaɣit , acku acḥal d iseggasen -aya mazal werɛad wwin imi llan yemdanen yessutren tinezduɣin seg iseggasen n 2003-2004 ar ass-a d wussan ttrajun tanezduɣt ma yella d wid yessutren deg iseggasen -agi kan ineggura sfayden ɣef waya imdanen-a teɣlid lwehma fell-asen ɣef uɣbel-a i mazal yeṭṭafar -iten ar ass-a , d wagi i yeǧǧan imdanen-a ad ɣelqen taɣiwant anda ssuturen seg yimḍebren n tɣiwant ad ɛawden tamuɣli ɣef lejrida-agi , am wakken id -yella daɣen uɣlaq n tɣiwant n at menṣur deg usammar lwilaya n tubiret s-ɣur waṭas twaculin sebba uɣbel-agi n tnezduɣin i mazal yettnerni di yal tamnadt di tubiret anda xeddmen timesbaniyin ttuɣun zdat tɣiwant ɣef lejrida azal n 30 tnezduɣin id -sbegnen usqamu aɣerfan n tɣiwant imi steqsayen amek ttwaferqent tnezduɣin-a acku ur d-yelli ara ufraq-agi akken iwata , ɣef waya ssuturen si lwali lwilaya ad tuɣal tmuɣli ɣur-s ɣef lejrida-a imi ttwalin-tt akken ur tuklal ara wiggi yesfayden acku llan wid yettidiren deg yixxamen lmizirya d ixerban bɣan ad aɣlin ur sfayden ara .
Taddart n Semmac tenḥaf
Ttidirent twaculin di temnadt n semmac i yetabaɛen ɣer tɣiwant n Ɛjiba i d-yussan deg usammar lwilaya n tubiret di tegnatin qerriḥen anda ɣaben wallalen n tudert i yeǧǧan imezdaɣ n semmac ssaramen s yiṣenfaren unegmu acḥal -ayagi , am wakken ɣabent wallen imḍebren ɣer taddart-agi imi ur rrin ara lwelha nsen ɣer yimezdaɣ-a d acu kan ttuɣalen ɣer tama-agi ḥaca di tefraniyin n tɣiwant i rezun ɣer dina , yerra taddart n semmac tettwasen s waṭas imezdaɣ ma yella d iɣublan iten -izedɣen gar-asen liḥala n yiberdan reglen ttwaɣen ansi id-kkid yergel ubrid ladɣa mi ara d-yewwet ugeffur iberdan ad uɣallen akk d iḥemmalen n waman akk-d ixujḍan d yedɣaɣen imi ur tezmired ara akk ad d-ɛeddid seg-sen acku iberdan-a ur sen-ɛiwden ara akk , d acu kan iɣublan-agi ur ḥbisen ara kan dda imi yella uɣbel nniḍen d win iten-icuɣben s waṭas waggi d lexsas n waman ur d-yettasen ara yal ass yerna d asafar agejdan iseqdacen s tuget ɣef waya ttrajun asiweḍ uṣenfar waman seg ubarraǧ n tilesdit acku yeqreb ɣer taddart nsen am wakken četkayen daɣen ɣef trisiti iberdan imi d yiwen uṣenfar id -sfaydent akk temnaḍin iten-iqerben ḥaca tamnadt n semmac dayen yeǧǧan imezdaɣ steqsayen d acu sebba n wannect-a , Ma yella d tikubaniyin ixusen di tama-a am yawen icudden ɣer tzeqqa n tujya ɣas akka tella ameɛna amzun ulac i tt – imi xussen deg aṭas n wallalen iwilmen i umuḍin yerna sɛan ala yiwen umeǧǧay amatu id -yettasen tikelt neɣ snat tikwal di ddurt ayagi sḥisfen aṭas tiwaculin n taddart-a ɣef waya yesefk ɣef yimezdaɣ ad rzun ɣer mceddallah d ɛjiba iwakken ad awwin imuḍan , Si tama nniḍen ula d ilmeẓyen ttafend iman nsen ttidiren deg yiwen weɣbel d ameqqran acku ur sɛin ara tizeɣwa n waddal yemgaraden am wayen yeɛnan annar n dabax ladɣa deg ussan usteɛfu imuras s umata ulac d acu ara xeddmen Rnu ɣur wugguren id -yesmagaren arrac lakul d likiran yettawin ɣer uɣerbaz imi sɛan ḥaca yiwen l kar ameɛna inelmaden llan aṭas di taddart d annect-agi i yeǧǧan imawlan n yinelmaden ssuturen seg uselway n tɣiwant ad asen – yerru yiwen lkar nniḍen , am wakken ttuɣun imezdaɣ i yemḍebren s tikci iṣenfaren unegum i lfayda n twaculin-agi yenḥafen acḥal iseggasen aya d araju melmi ara tifsis teɛkumt fell-asen ad frun iɣublan iten-ixenqen .
Lgaz n temddint ttrajun-t Yilyiten
Ttrajun imezdaɣ n taddart ilyiten i yetabaɛen ɣer tɣiwant n saḥariǧ di lwilaya n tubiret aṣenfar n lgaz n temdint am tcemaɛt umbaɛd mi yewweḍ usafar-agi ɣer tudrin itent-iqerben meḥsub tuget n temnaḍin di tɣiwant-a sfayden akk imezdaɣ nsen s lgaz n temdint , dayen yeǧǧan tiwaculin n tama-agi ssarament ula d nutni melmi ara d-yawwed imi acḥal d leɛwam iɛeddan mazal ttrajun ad yifsis leɛtab n teqraɛtin lgaz i asen-yeserwan lmeḥna anda ara afen tiqraɛtin lgaz am wakken tettwasen taddart-agi s yidurar ɛlayen d ugeffur qessiḥen di temnadt-a deg ussan n tegrest acku ciṭ udfel kan iberdan akk ɣelqen yerra d asemmiḍ mliḥ ɣef waya ttafen-d iman nsen di lexsas n wallalen useḥmu axaṭar tuget deg-sen seqdacen tiqraɛtin lgaz dayen id-igellun s wuguren di lexsas usafar-agi anda ara tafen , Rnu s uguren id-ttmagaren aṭas deg unadi nsen ttruḥun ami d timnaḍin nniḍen akken ma d-afen neɣ ala meḥsub si leɛtab ɣer wayed acku icuɣbiten s waṭas di tmeddurt nsen d aɣbel-agi i yeǧǧan imezdaɣ n taddart ad ggren tiɣri i yimḍebren teɛna temsalt akken ad d-afen tifrat s lɛejlan i wugur-a s uṣiwed uṣenfar-a i ttrajun acḥal-ayagi xersum ad yeffeɣ leɛtab nsen ɣer tafat .
Abdelhak Menas