Asmi id tegger iman-is tamurt n Rrus ɣer unnar n traḍ mgal rebrab di tmurt- n Surya , aṭas id as yennan ulaqṛaṛ Poutine ad yewqaɛ di tcerket ( yecban tin yeṭṭfen l’URSS deg tmurt n Afɣanistan) id as udin-t timura tutrimin( pays occidentaux) iḥazen ddaw ssenǧaq n Marikan. Xuḍi imanayen isertiyen ( observateurs politiques) yenwan ayen-nni, ttun( neɣ rran iman-sen ttun) awal id yenna uselway n fideralit n Rrus : «tuɣadt ( mission) iserdasen-nneɣ d yiɣallen-nneɣ deg akal n Surya ur tettɛedday ara nnig setta wagguren !». Ɣer taggara dayen id yellan ,imi war ma yuḥtem ( neɣ yesḥesb-as) yiwen , akken kan bdant lemcewrat tisertiyin gar udabu unṣib n tmurt n Surya akked tanmegla( opposition) i t-yettqazamen di Genève, iɣawel Poutine ijebbd-d amur ameqran n timesrifgin-ines n traḍ si tmurt n Surya. Taɣtest-agi tasertit ( décision) n Poutine d yiwet n temsirt tagdudant i tinezmarin tutrimin( puissances occidentales) yetturaren yir urar d yegduden n tmura ama di Ccem neɣ di Lɛiraq. Ɣef aya aṭas n wid yeṭṭafaren tasertit tagraɣlant id yennan : «Akked Poutine ula d tasertit d tuqyist amzun d taẓuri !». Ahat deg agim-agi amaynut( nouveau millenaire) Poutine d tasureft( exception) acku aṭas n ims enqaden yettwalin deg-s d aneggaru deg iselwayen n tmura i-yerran azal i w-ayen id yeqqar, i w-ayen yettwali, i w ayen yettxemmim. Asmi yeṭṭef zzmam n timsal yecqan tamurt-is, yuɣ lḥal tamurt n Rrus terdex ama di tdamsa ama deg tanezmert. Ccan –is yeqluqel seg-mi tegrurreb l’URSS. Maca tissin n Poutine terra tiregwa ɣer usu-nsent. Dac- dac , taḥejjurt ɣer weltm-as , tewet tamurt n Rrus s ugerrz armi id tuɣal am akken tella zik: d tanezmert yesɛan awal-is di ṛṛeḥba n leǧnas, d tanezmert ttkukrun-t tinezmarin nniḍen yeddan di llem n umezday atlanti( alliance atlantique). S w-akka nettw ali belli s-unekcum n tmurt n Rrus ɣer traḍ mgal ayen umi qarren ddewla tineslemt n Ccem akked Lɛiraq , imal lmizan akken ur tebɣi n wid yellan deffir taruẓi n tmura-agi n usamer alemmas am Fransa , Lengliz akked Marikan. S tsertit yeḍfeṛ Poutine mgal taluft n Surya, yessegrureb lmissa n wid yenwan teddez tebrez, imi ɣilen ayen wuɣur ssawḍen di Libya neɣ di Masser zemren as id alsen diɣen di tmurt n Ccem. Di ccaw anekcum agi n iɣallen Irrusiyen iḥettem ɣef Obama akken ad iger di lkil n usujer -ines taẓẓayt akked tanezmert n tmurt n Rrus. Yettuḥatṭem fell-as ad yeg azal i timuɣliwin nniḍen yemgaraden ɣef t-id yedderdes netta d- ugraw—ines. Di ccew tuki d Marikan, tufa ziɣ mačči ala netta-t id yellan deg annar n u serwet aserti. Si tama nniḍen anekcum n iɣallen irrusiyen gar ugni n traḍ di tmurt n Surya, yessenqer dayen kan tazmert n wayen umi sawalen daach. Yerra-as lluḍa d asawen. Am akken id yesken diɣen, unekcum agi arrusi ɣer ugni n traḍ, yir urar tturarent kra n tmura di temnaṭ-nni bḥal tamurt n Turk akked Suɛudiya. Anekcum-agi anezmar n Rrus deg umennuɣ mgal Rebrab agraɣlan yerra tamawt ɣef tanezmart tameɛlalt n tmura n l’Europe yettemxelbaḍen gar lemwaji tinemgalin( contradictoires) n tisertit ḍefṛen segmi rehnan leqrar-nsen ɣer tamuɣli n tmurt n Marikan. Am win yetturaren s tiddas , Poutine yerra yal yiwen zdat n tidet-n yiman-is . Zzun akken yedda di lebɣi n wawal aqbayli is yeqqaren : a win ijebden amrar, ixf-is ha-ten da ɣuṛ-i! Ayen i la iḍeṛṛun di ṛṛeḥba n leǧnas , yettwakkid d-akken s kra win yetturaren s tmes u leqrar ad ṛɣan iḍudan-is. Ayen akka id yettnulfun n txazabiyin di tmurt n Turk neɣ deg L’Europe d aciri n lehmum war tifrat i ten yeggunin . L’europe tufa iman-is di tcerket. Uguren id neɣlen fell-as, si lǧera n wayen iḍerrun deg usamer alemmas, mačči d izli . Leḥmali n” les migrants” id rrubbin ɣef umenzew-agi ( continent) yerra timura n tidukkla n l’Europe deg uɛewiq ademsan mebla ma nettu uguren imetiyen id iḍefr en ayen-nni. Iiguden n tmura-agi bḍan d leṣfuf: wa yebɣa wayeḍ yugi zedm a-agi n ibeṛṛaniyen id ihuǧṛen ɣer-sen. Ahat tadyant n Charlie Hebdo , tixazabiyin ihuzen tamdint n Paris d twaɣit taneggarut id yeɣlin ɣef tamdint n Bruxelles ddurt-agi , d tazwert i ccwal( war taggara?) yettraǧun tadukli-agi n l’Europe akka ɣer zdat. Iɣisan ɛnan si yal tama aɣarrabu n tmura tutrminin, imi ccekk ikcem ula d tamagit-nsen( leur identité). Deg urar aserti agraɣlan, ,alqafen ttawin akkin akka. Win yeɣlin wayeḍ ad yeddem. Maca di tegnit n wass-a i tikelt nniḍen telsa yengugi ixf-is. Tuki-d ɣef tidet yellan : i w akken lmizan ur yettmil, ilaq aṭas n tnezmarin deg ann ar . Dayen wuɣur yesflit Poutine , dayen i la ibennu Poutine.
Ait Slimane Hamid