Zouaoui Aghilas d ilemẓi i ilulen deg useggas 2000 deg wass 26 yunyu, yekker-d deg udrum igawawen taddart n tegrawla Imeɣdasen i yettabaԑen taɣiwant Ukeffadu, yeqqar tura deg uswir wis sin deg uɣerbaz alemmas i yellan di tniri .Asmi yesԑa 09 n yiseggasen deg uwtay-is yebda tekcem-it taɣult n teklut acku d win iḥemmlen unuɣen n ugama mi ara iwali tugniwn izaden d thuski tin i d tayri-sd tadfi-is. Amecwar-is yegna-t s ddeqs n wallalen , yessunuɣ n yimru d tewriqt anda ixeddem tifelwiyin , yettseggim aɣawas anda ara yers wunuɣ , yettԑeṭṭil ɣef umahil-is anda yettawi akud ugar n 06 tseԑtin deg texxamt-is n tẓuri neɣ di lexla i tafukt n timedday d uzwu n turin ,xersum deg tsemhuyu n tefsut yessunuɣ ayen icebḥen , ayen yerzan leḥmala , ifrax, aman , tizegzew, deg wussan n umwan d agama n tsusmi ayen iḥeznen , d imeṭṭi , d tafuɣalt anda yexdem ugar n 30 n tfeslwiyin n teklut , udmawen n umezruy anada id-yessuneɣ ccix Aḥeddad , Faḍma n Ssumer d wiyaḍ, ayen icudden ɣer tlelli , tayri ,tamagit, amezruy, tahuski n tudert, tamdanit, izerfan n umdan….. Taɣda n tẓuri inǧǧer-itt-id s tikli icebḥen armi id-yufa yiwen unaẓur «Saàd Idir» d aselmad uẓawan d teklut anda yefka-as tallelt akken tiwwura n uwlaɣ n tẓuri ad llint , yekka deg waṭas n yirmad , tifaskiwin anda yedrew deg temzikent di tfaska n tafat ɣef tgemmi tanmezrayt d yidles n tmurt leqbayel anda id-yerza Yidir Azwaw , yella deg wahil temzizelt n Bgayet «Wadɣir» , yella di yennayer di taddart n tewrirt Akfadu , ass aɣelnaw n umeɣras , ass aɣelnaw n tmeṭṭut….atg, yella deg waṭas leqdicat idelsanen. Aɣilas yekseb tawrikt unaẓur d win iḥemmelen amahil zeddigen , tarrayt-is d tadrigt, tafarest n wayen ixeddem d ayen icudden ɣer cbaḥa n tmurt , aɣnib-is d amggasu, ɣur-s ugten yisenfaren anad yesԑa yiwen usenfar ad iɣer deg uɣerbaz n tẓuri anda iselmaden taklut d wamek tettili tmesɣara-s, asirem meqqer d anesbaɣur , yettak asenmmer i wid i as-yefkan afus i wakken yessawed iswi-is daɣ mazal annar n leqdic ɣer dzat , ad yessenmer aselmad-is n tunuɣt Ardjoun Omar , Saad Idir , imawlan-is acku ula d nutni fkan-as ttawil akken ad yili d amaha ɣer usaḍur-is.
-Azedine Abdous-