Yerna-d umerbuḥ nniḍen ar tsekla tamaziɣt , d ungal s wazal-is sɣur umedyaz d umaru ameqran Salem Zenia seddaw uzwel « aẓar n tagut » ar tezrigin Tira ,Salem Zenia gar wid i d-yufraren di tira n tmaziɣt yellan yakan d aneɣmas deg uɣmis le pays seld yeslul-d yiwen uɣmis umi isemma iẓuran deg useggas 1999 ar 2003 , Salem ɣas yettidir di tmurt n espenyul maca mazal yettkemmil tira s tutlaty n Dda lmulud , yura ddeqs n yedlisen am :
Mi sliɣ ccarweɣ, Tamedyazt, Tasɣunt Awal, Paris, 1990.
Tirga n Yidir, Ammud isefra, Tamaziɣt-tafṛansist, Tiẓrigin L’Harmattan, Paris, 1993.
Tafrara, Ungal, Tiẓrigin L’Harmattan, Paris, 1995.
Iɣil d wefru, Ungal, Tiẓrigin L’Harmattan, Paris, 2003.
Tifeswin, Ammud n yisefra, Tiẓrigin L’Harmattan, Paris, 2004.
Yella zik-nni, Ammud n tmucuha, Tiẓrigin L’Odyssée, Tizi-Wezzu, 2008.
Iṭij aderɣal, Ammud n yisefra, Tiẓrigin Le Accent, Barsaluna, 2008.
Dahmani Bilal