Lwilaya n Tizi wezzu, am tewilayatin niḍen n temurt, tettidir deg uɣbel n lixsas n tmezduɣin, u imezdaɣ d wid yesuturen tifrat n weɣbel-agi, ladɣa deg wahil n lemɛawnat n lebni n tmezduɣin n tudrin. Ɣef usuter-agi n yimezdaɣ, azal n 22 000 n lemɛawnat i-d heggan yemḍebren deg wahil n 2009-2014, gar-asent 6 500 ttuferqent ɣef tɣiwanin deg useggas n 2010. Si tama niḍen, tanemhalt n tmezduɣt n Tizi Wezzu iwumi qqaren la Dlep, d tin i iheggan yiwen weḥric n 4000 n lebni n tmezduɣin deg tudrin deg tamiwin yemgaraden n lwilaya i useggas-a 2011. Akken yetturaju ad kefunt azal n 4 000 aseggas-a deg nella. Yesunefk ad ner lwelha belli senf-agi n tmezduɣin n tudrin d tid suturen s waṭas imezdaɣ, ayen yernan yefka-asen afud, acku tura ɣur-sen azref ad salin R+2.Niqal llan ur sɛin ara azref ad bnun di laɛli, ɛlla ḥsab yemḍebren. S wakka ad izmiren sin watematen ad sfaydin s snat n lemɛawnat, ladɣa imi akal n tmezduɣt d win ur neṭuqet ara deg lwilaya.
D. Imgaline
Aselek n lebni deg setta n yiseggasen
TTesfaydin Tizi Ouzu deg weḥric n lebni tmezduɣin deg setta n yiseggasen-agi ineggura. Nnnig n 76 alef n tmezduɣin i yettuheggant gar-asent 28 630 deg wahil n 2005-2009. Am akken i d-rnant 10 alef n tmezduɣin deg wahil n tmerena neɣ le programme additif. Si tama niḍen, lwilaya d tin i-d yesfayeddin s yiwen wahil n 9000 n tmezduɣin deg useggas yezrin, d 40 820 n lemɛawenat n temezduɣin n tudrin. Ma d timezduɣin n senf n tmetti(social) wwḍent ɣer 14 000 n tmezduɣin, tid n LSP ɣer 7000. Ad ner lwelha belli alla azal n 35 000 n tmzeduɣin i deg fukken lecɣal n lebni, ayen yettemetilen 53% n wahil. Si tama niḍen lecɣal n lebni d wid yettkemmilen i usewejed n 15 888 n temezduɣin niḍen. Ad nesmekti belli tawilayat n Tizi Wezzu d tin i d-yesfayedin s 44 500 n tmezduɣin deg wahil n 2010-2014 gar-asent 10 000 n senf LSP, 12 500 n senf n tmetti, 22 000 n lemɛawnat n lebni n tmezduɣin n tudrin. Si tama niḍen, yesunefk ad ner tamawt belli tawilayat d tin i d-iheggan ahil n usewejed n 440 n tmezduɣin i lmend n 808 n twaculin i izedɣen ixxamen ur n wulem ara neɣ (l’habitat précaire).
D.I