Nezmer ad d-nini anammas adelsan n Lberj n Mira, deg tɣiwant n Tsexriwt i d-yezgan deg usamar-anẓul n Bgayet, icuba waddad-is ɣer kra i yemmuten seld aselqef ur nḍul. Ahat wid yeẓran d acu yellan, yettmagga deg-s sɣur tiddukkliwin n temnaḍt-nni, ladɣa tidukkla tadelsant tanaddalt Tigelzi n Rrif, ad ḥsun belli almi i tent-yuɣ akken ilaq umkan-a ulac kra deg-s. Ma nuɣal-d ɣer wass deg yečča tiyita unammas-a, d kra n yimezdaɣ n tɣiwant-nni, i yeṭṭef wurrif ɣef tulacit n tnezduɣin i d-yettak uwanek, i yekkren sserɣen axxam ayiwen ideg llan xeddmenkra yellan d armud adelsan, ukuẓ n yiseggasen tura. Deg ddrur n wakud kan, yuɣal unammas adelsan d aberkan am teyyint yerɣan, ur yesliḥ ulamma i tmuɣli. Seg yimir-nni dɣa, ggrant-d tdukkliwin n temnaḍt-nni feclent am uxerṭuṭ almi yenqes uzgen ageɛmir n wayen tuɣ seɛɛunt deg wahil. Ad aɣ-yawi srid waya ad nxemmem ɣef tfaska n umunulug, i tuɣ tessuddus tdukklaTigelzi n Rrif almi ssawḍen wwin-d ula d Muḥemmed Fellag yiwen n useggas akken. Maca, ass-a deg wussan, yeḥbes yeggra-d kan ala isem-is ɣur wat yidles. Seg tama n yinesdabuyen idiganen (autorités locales), neẓradakkenɛerḍen s wayenzemren ad yettwaseggem unammas-a, maca tasarut aql-itt deg tmehla n yidles n waɣir n Bgayet. Acku, ɣefwamek i daɣ-d-tenna teɣbalut seg tɣiwant n Tsexriwt, ilaq-as i umḍiq-nni aṭas n yidrimen, ahat d imelyaren, akken ad d-yuɣa lamek i t-tuɣsend ad t-tečč tmes. Ad yeqqim kan umdan yesḥassef imi d aḥric n yidles gedged i tent-yuɣen. Ilemẓiyen n Tsexriwt aql-iten kan ssaramen ttraǧun melmi ara d-ineǧǧaɛ unammas-nsen adelsan.
Mhenni Khalifi