Awdi n Buṛnan d yiḍeballen

Di zzman n Awdi n Burnan, mi yella d lamin n taddart, At Xlil tttawin-d lɣella tammeqrant n zzit. Imiren iḍebballen ḥemlen-ten medden, ttqadaren-ten, ttuzun-ten: ttaken-asen cwiṭ si lɣella ittusemma d lacur. Ar taggara n lɣella, di Meɣres, tteddin iḍebballen ɣef tudrin isan zzit, tekksen lacur. Assen tusa-d nuba n At Xlil. Tanezzayt, send ad d-yali yiṭij, iḍeballen udren ɣer At Xlil, wwḍen ɣer Uzniq Iḍebbalen deg tlemmast n taddart, sersen lqellab bdan kkaten. Arrac dewṛen-asen, ttnezzihen. Kkaten, kkaten ulac win i asen-d-yewwin tiqqit n zzit. Lḥaǧ Amer Akli d ilemẓi, mazal ur yercil ara, ur yewwiḍ ara i ssuq, isetḥa ineḥcam nezzeh. Taddart n At Xlil d taddart n zzit, qesden-ten-id ad asen-ffken lecuṛ, ur asen-d wwin ara. Ineḥcam, isa azgen n duṛu d lmesṛuf-is, ifka-asen-ten-id d lwada. Imiren, zzit teswa reba surdi i litra. Yuɣal, yewwi-d yiwen uḍebbal asefru:

A yetma leḥya tekfa

Si lebad meṛṛa

Ffkan-d azgen n duṛu

Amer ur yettiki ara

N udrum ufella

D Buṛnan i d aqeṛṛu

Rrif deg Wat Urwala

Ulac timira

At Xlil, ixla waḍu.

Ramdane LASHEB