At yanni d yiwet temnaḍt n leqbayel i d-yezgan tama ɛlayen i ibeɛden s 40 km ɣef temdint n Tizi Uzzu. Tesɛan kraḍet n tɣiwanin gar-asent : At yanni, Ibudraren, d yiɛeṭṭafen. Ad naf tamnaḍt –agi tettwasen s waṭas n yinaẓuren n ccna am Ait Manguellat, Idir, Brahim izri d yimyura imeqqranen yecban Muloud Mammeri , neɣ wid yettwassnen s umezgun am Mohia, neɣ wid yeɣlin ɣef tmurt n Lezzayer, Amirouche Ait Hamouda. Ttwasnen Wat Yanni s tuṭṭfa deg leɛwayed d wansayen, gar-asen lxedma n uẓref ( lfeṭṭa). Lxedma–agi, dayen i d-ğğan lejdud–nsen. tTasuta tettak-itt i tayeḍ. Ad naf yal aseggas, lawan-agi, taggara n yulyu d tezwara n ɣuct, smektayen-d armud–agi ɛzizen fell-asen, aɛzizen ɣef leqbayel, s temsikeniyin ixeddmen deg taddart n Tewrirt Mimum deg tneɣriyin n uɣerbaz alemmas Lɛerbi At Aɛmer ( Larbi Mizani), deg uxxam n yilmeẓyen Keddache Ali akked yiwen umḍiq n yidles iwumi semman ( Espace culturel Mouloud Mammeri ). Imezdaɣ n temnaḍt-agi n Wat Yanni, qedcen akken iwata, abeɛda inelmaden n tesnawit Hsen Outaleb, imi win i d-yusan s tkerrust ad as-ttɛasen, ad as-mlen abrid i wid akk i d-yusan seg yal tama n Lezzayer s umata. Xedmen ahil seg wasmi tebda almi d asmi tekfa. Tebda ass n umhad 28 deg yulyu ɣef 10h 00 , timsikent d lbiɛ n lfeṭṭa icebḥen dayen kan, tkemmel akken yal ass. Beddun ɣef 9h00 almi d 19hoo, Akka tekfa ass n 05 deg ɣuct s usenemmer n wid yettekin deg-s. Ad d-nernu ɣer waya aselway n tɣiwant n Wat Yanni Mass Smail deghoul d win yettaken afud i yal yiwen ixeddmen akken ad yenerni yidles n tmaziɣt. S lferḥ d ameqqran i d-yemeslay neɣ i d-yura ɣef teẓrigt-agi tis telṭac n tmeɣra n lfeṭṭa ( 13ème édition de la fete du bijou), rnu ɣur-s Mass Adal Arezki yettaken afus i yinelmaden yal mi ara yili usmekti n wayen akk icudden ɣer tmaziɣt. Tanemmirt-nsen , tanemmirt i yiḥeddaden n lfeṭṭa i as-yernan ccbaḥa i tmeṭṭut taqbaylit.
Zakia Ben yahia