Ma yella uɛeṭtel deg waṭas n yisenfaren deg yiḥricen yemxalafen n lebni deg Uqbu, icudd ɣer lexsas n tedrimt d leɣla n sselɛa, maca aɛeṭṭel n usenfar n useggem n unnar n ddabex uḍar n tɣiwant n Uqbu dayen-nniḍen. 15 n yiseggasen n uraju,umazal. Mebɛed imi hebsen lecɣalat deg-s s sebba n uḥebbus n tkubanit i d-yelhan s useggem-is. Xas akken uɣalen-d lecɣalat n useggem-s di tuber 2008, seld I as-d-fkan tadrimt ilaqen yiɛeggalen n Usqamu i wakken ad ikemmel useggem-ines , maca ar ass-a, kullec yeḥbes. Ma, zik, sebba-s, d lexsas n tedrimt i d-yellan deg tɣiwant , segmi i d-yella lxilaf gar lmir d yiɛeggalen n tama taxsimt deg yiseggasen iɛeddan. Ma d tura, ur neẓri ara d acu i d sseba. Win tetsteqsaḍ deg yimdebbren n tɣiwant akk, yeqqar ur zriɣ ara!. Aya dayen i d-yeglan s lemḍara i waddal di tiɣiwant s umata. Yeǧǧa inaddalen d ttrebuyaɛ n ddabex uḍar n tɣiwant yemxalafen , ur ttafen ara amkan i deg ara heggin iman-nsen i temliliyin i ten- yettrajun di talɣuɣin ideg ttekkin .
Brahim.Ben