I lmend n usmekti n tmettant n Aissat Rabah, ad d-tili teẓrigt tis 6 n’’Temsizzelt, Aissat Rabah n taddart tazeddgant, ass n 12 deg tuber 2017 i d-iteddun. Bdan yimḍebren n tɣiwanin srusuyen zmamat–nsen , ğarriden tuddar –nsen. Ad yili usrusa n zmam n utteki seg wass n 15 deg furar 2017 alamma d 10 deg yebrir 2017, i d-nnan yimḍebbren n tseqqamut taɣerfant. Aseggas-a, ad d-ufrarent 8 n tudrin mačči am tezrigt iɛeddan anda i llant kan 6. Ayagi, ixleq-d tismin d uɛaned ɣer wayen yelhan , imi asebluleɣ n twennaṭ, yettawi-d lemḍerra, ama i umdan, ama i uɣersiw d yimɣi, yerna tuddar n Leqbayel, cebḥent mačči d kra. Yal tasemhuyt tettak-as tafulki-s, ama deg tefsut, ama tagrest mi ara dlen yidurar s udfel, ama d amwan, ama d anebdu. Rnu ɣer waya, isekla i tezzun, deg-s abaɣur meqqren i tudert n umdan neɣ i uɣersiw. Ilaq ad yili useḥbiber ɣef wayen akk i d-yettawin ayen yelhan. Tamezwarut ara d-yufraren gar tudrin i ittekiin deg temsizzelt, ad tawi 800 melyun, tis snat 700 melyun, tis kraḍet 600 melyun, tis ukkuzet 500melyun , tis semmuset 400 melyun , ma tineggura ad awint 300 melyun. Mxalafent kan 0.5 deg tezmilt maca timsizzelt-agi ara d-yilin terra tuddar fkant azal meqqren i tezdeg, acku tezdeg tettawi-d tazmert, tessebɛad aṭṭanen, yerna d aselmed n tsuta timecṭaḥ, akken ad lemdent tezdeg n tudrin wa ad tt-id-yettağğa i wayeḍ, ad ilint d amedya am tudrin yewwin arrazen yakan am zoubga d Boumesaoud , Aourir Ouzemmour d tiyaḍ-nniḍen uɣur d-rezzun seg yal tama akken ad walin ccbaḥa-nsent .
Z.A.Y