S uzwel n "Agaraw yezdigen" yella-d umlaqi i umeslay ɣef kra n tiddiyin timaynutin n useḥbiber mgal axmaj n ugama.
Thegga-d, ddurt yezrin, Tenmehla n twennaḍt n waɣir n Bgayet akked tɣiwant n Melbu, yiwet n temlilit s wazal-is gar yinesdabuyen akked wid iqeddcen i lfayda n twennaḍt, abeɛda ilemẓiyen. S uzwel n « Agaraw yezdigen » yella-d umlaqi i umeslay ɣef kra n tiddiyin timaynutin n useḥbiber mgal axmaj n ugama. Gar-asent allus neɣ iwmu qqaren « Arusiklaj ». Am wakken yella-d usizdeg n lqiɛan n yilel sɣur trebbuyaɛ tuzzigin. Ugar n tdukkliyin i yekkin deg usihar, am tdukkla “Awal Yessawal” n Melbu akked « Oxy-jeunes » n Yiderginen, ttwaɛerḍent-d kra n tkebbaniyin i yellan deg unnar n uqeddic ɣef twennaḍt. Seld tallit n usizdeg n kra n yimeḍqan n teftist, ɛeddan-d ɣer taggara kra n yilemẓiyen i yesɛan luzinat n wallus akken ad d-sneɛten kra seg wayen qeddcen, d termiyin-nsen deg uḥric-a n usizdeg n ugama. « Yehwa-aneɣ aṭas wudem i aɣ-d-seknen yimasayen ɣef wayen icudden i twennaḍt-nneɣ d tezdeg n waɣir n Bgayet. Ilaq ad nezdit iɣallen akken ad naweḍ ɣer wayen nessaram ». Akka i d-tenna Sabrina Xalifi, yiwet seg tmekkiyin deg usihar-a.
M. K.