Ma ɣef 13h30 fɣen-d yigemmaḍ-nniḍen, ideg yewweḍ leḥsab ɣer 19, 58% deg wayen yeɛnan taɣiwant, ma d win n APW yewweḍ ɣer 16,71%. Yelḥeq ɣef 16h30, ɣer 28,18% deg APC, ma d win n APW yelḥeq ɣer 34,53%. Ma d igemmaḍ ineggura n 19h00, llan-d akka: ulamma ttwajerden wazal n 11 838, maca debren kan wazal 5 809 n yideqqaren ɣer usqamu n APC akked 4 805 ɣer usqamu APW, d ayen ara d-yefken agemmuḍ n 49,07%, deg tefranin n tɣiwant akked ugemmuḍ n 40,59% deg usqamu APW. Ma deg wayen yerzan amyezwar n yikabaren deg tɣiwant-a, yella-d akka: deg umḍiq amezwaru ad naf akabar n FLN, s 2205 n leṣwat, dɣa yewwi 8 n yikersiwen, syin d akabar n RCD deg umḍiq wis sin, i yewwin 6 n yikersiwen. Deg umkan wis tlata ad naf akabar n MEN, i yewwin 3 n yikersiyen, syin d akabar n FFS, i yewwin 2 n yikersiwen. Ma d akabar n MPA akked ukabar n RND fɣen seg tefranin-agi mebla ikersiyen. S wakka i d-yeffeɣ mass Akli Chabane, d aselway n tɣiwant n At Ɛisa Mimun i tikkelt tis snat. Dɣa ad nger tamawt deg tɣiwant-agi, imezdaɣ rzan-d s ṭaqa deg tmeddit n wass, d ayen ara d-beggnen yigemmaḍ-agi ineggura. Ula d adber iɛedda deg tegnatin igerrzen, ulamma imḍebbren n wammasen n lbuṭ, bɣan ad kemmlent tefranin alamma d 20h00, maca aɣalla n ladayra n Wagennun yugi, dayen i d-isbeggnen lɣid n kra n yimezdaɣ, am wakken daɣen ur d-cetkan ara waṭas n yimezdaɣ. Tura ad nuɣal ɣer tɣiwant n Wagennun, ideg jerden wazal n 8 392 n yimdanen iman-nsen deg lejridat n lbuṭ, i yettwaferqen ɣef 9 n wammasen n udber akked 19 n yinirawen n udɣar. D taɣiwant iɣef myeḥzwaren 5 n wumuɣen n yikabaren-agi: RND, RCD, FLN, PT, MPA, FFS, akked wumuɣ tilellit “Timlilit”. Ma d igemmaḍ n tefranin-agi imenza, llan-d akka. Ɣef 10h30, leḥsab yerzan taɣiwant yewweḍ ɣer 6,92%, ma d win n usqamu n lwilaya yewweḍ ɣer 7,59. Ma ɣef 13h30 fɣen-d yigemmaḍ-nniḍen, ideg yewweḍ leḥsab ɣer 22, 32% deg wayen yeɛnan taɣiwant, ma d win n APW yewweḍ ɣer 18,91%. Yelḥeq ɣef 16h30, ɣer 37,91% deg APC, ma d win n APW yelḥeq ɣer 30,67%. Ma d igemmaḍ ineggura n 19h00, llan-d akka: ulamma ttwajerden wazal n 8 392, maca debren kan wazal 3 937 n yideqqaren ɣer usqamu n APC akked 3 262 ɣer usqamu APW, d ayen ara d-yefken agemmuḍ n 46,91%, deg tefranin n tɣiwant akked ugmuḍ n 38,87% deg tefranin n usqamu APW. Ma deg wayen yerzan amyezwar n yikabaren deg tɣiwant-a, yella-d akka: deg umḍiq amenzu ad naf akabar n FFS, s 911 n leṣwat. Ma d ikersiyen kif kif-it akked ukabar n FLN akked wumuɣ tilellit “Timlilit”, anida yal akabar yewwi 4 n yikersiwen, syin d akabar n RCD deg umḍiq wis rebɛa, i yewwin 3 n yikersiwen. Ma d ikabaren-agi MPA, RND, PT fɣen seg tefranin-agi mebla ikersiyen. S wakka i d-yeffeɣ mass Ḥaǧi Muḥamed Saɛid i d aselway n tɣiwant n Wagennun. Dɣa ad nger tamawt deg tɣiwant-agi, ula d imezdaɣ-is am yimezdaɣ n tɣiwant n At Ɛisa Mimun, rzan-d s ṭaqa deg tmeddit n wass, d ayen ara d-beggnen yigemmaḍ-agi ineggura. Ula deg tɣiwant-agi n Wagennun adber iɛedda deg tegnatin yelhan, imi ur d-yelli ara waṭas n ucetki sɣur yimezdaɣ-is. Ma d tura ad d-nezzi ɣer tɣiwant n Timizar, ideg ara naf jerden wazal n 14 683 n yimdanen deg lejridat n lbuṭ, i yettwaferqen ɣef 16 n wammasen n udber akked 28 n yinirawen n udɣar. D taɣiwant iɣef myeḥzwaren 4 n wumuɣen n yikabaren-agi: RND, RCD, FLN, FFS, akked wumuɣ tilellit “Alternance citoyen ”. Ma d igemmaḍ n tefranin-agi imenza, llan-d akka. Ɣef 10h30, leḥsab yerzan taɣiwant yewweḍ ɣer 5,2%, ma d win n usqamu n lwilaya yewweḍ ɣer 4,83%. Ma ɣef 13h30 fɣen-d yigemmaḍ-nniḍen, ideg yewweḍ leḥsab ɣer 15, 56% deg wayen yeɛnan taɣiwant, ma d win n APW yewweḍ ɣer 14,34%. Yelḥeq ɣef 16h30, ɣer 24,55% deg APC, ma d win n APW yelḥeq ɣer 22,59%. Ma d igemmaḍ ineggura n 19h00, llan-d akka: ulamma ttwajerden wazal n 14 683, maca debren kan wazal 5 194 n yideqqaren ɣer usqamu n APC akked 4 751 ɣer usqamu APW, d ayen ara d-yefken agemmuḍ n 35,38%, deg tefranin n tɣiwant akked ugmuḍ n 32,36% deg tefranin n usqamu APW. Ma deg wayen yerzan amyezwar n yikabaren deg tɣiwant-a, yella-d akka: deg umḍiq amezwaru ad naf akabar n FFS s 1 653 n leṣwat, dɣa yewwi 6 n yikersiwen, syin d akabar n RCD deg umḍiq wis sin, i yewwin 5 n yikersiwen.
Adaoun Abdelghani