I lmend n wass amaḍlan n temsetla talsant (solidarité huimane) i d-yettilin yal aseggas deg wass n 11 yennayer, tiddukkla tadelsant “Inegman” n Taddart n Ikhelouienne, thegga-d ass-nni n lexmis yiwet n teswiɛt n telkensit (collection) neɣ ajmaɛ n yidammen i lfayda n yimuḍan yetteḥwiǧin ddima cci-a. Yella-d ujmaɛ-agi n yidammen tama n lbusṭa n tɣiwant n Ait Aissa Mimoun neɣ sdat n uɣerbaz amenzu Oudiai Mohamed n Ikhelouienne, i deg i d-jemɛen ddeqs n yidammen, syin akkin wwin-ten ɣer sbiṭer asdawan Nadir Mohamed n Tizi Uzzu. Ddeqs n yimezdaɣ n tɣiwant-agi n Ait Aissa Mimoun i d-yerran i tiɣri n tiddukkla-agi, u yerna llan d imsetlanen akked watmaten-nsen imuḍan, meqqar deg wass amaḍlan n tesmetla.
A. A