D yiwet n teswiɛt i iweɛren aṭas i ttidiren yimezdaɣ n temḍiqt n Yibetrunen, yetabaɛen taɣiwant n Tizi Uzzu, ibaɛden s wazal n 10 n yikilumitren ɣef tlemmast n temdint-a. Ssebba n waya, lexsaṣ meqqren n ttawilat n usiweḍ. Yal ass, tafen-d yimesebriden n ubrid n ugerzu 147 icudden gar waṭas n tɣiwanin n unẓul n temdint n Tizi Uzzu aɣbel deg rwaḥ ɣer ugerzu n Tizi-Uzzu, ladɣa ixeddamen, inelmaden akked d wiyaḍ-nniḍen yerkeb lɣiḍ meqqren s ssebba n lexsas n ttawilat n usiweḍ. Aya, yesseggray-d leɛḍil ama i yixeddamen, ama i yinelmaden. Ɣef leḥsab n wayen i aɣ-d-nnan kra n yimezdaɣ, llan tikwan anda ttɣimin ugar n 3 n sswayeɛ mebla ma iɛedda-d ttawil n usiweḍ. Ɣas ma ttawilat n usiweḍ n tɣiwant n Lemɛatqa, ttmuden-d tallelt i yimzdaɣ n temḍiqt-agi n Yibetrunen, maca aɣbel, dima, yezga. Dɣa imezdaɣ n temḍiqt-agi n Leqbayel, ssuturen deg yimḍebbren teɛna temsalt tifrat i uɣbel-agi n usiweḍ.
Ali Zalouk