Tella-d ddurt iɛeddan timlilit ɣef tqendurt n leqbayel di tezrigt tamezwarut , ass n 4 akked 5 yebrir deg-i nella, deg Uxxam n yidles Mulud Mɛemmri deg Tizi Uzzu. D ayen i d-yettuheggan sɣur tiddukkla “ Espace investissement’’. D yiwet n tejmilt i d as-yuɣalen i Mass Khadidja Ḥamsi. Teḍra-d temlilit-a s lemɛawna n tɣiwant n Tizi Uzzu , Tanmehla n tmarrit d tinḍi, tanmehla n tnezzut n lwilaya , axxam n tinḍii d lḥirfat. Aṭas n wid i d-yewwin ɣer tmeskaniyin ayen akk yeɛnan tiɣawsiwin, yecban d lfeṭṭa, lebsa, tiɣawsiwin n talext akked tqendyar n leqbayel n yal tamnadt. Timsikent-a, tella-d i wakken ad sbeɣsen ixeddamen-agi n taɣult-a i wakken ad kemmlen di leqdic-a, akken daɣen ad siǧǧhiden ayen i yettwaxedmen di tmurt n lezzayer. DGar wayen i d-yewwi wahil n temlilit, ad naf : timsizzelt n tqendurt n leqbayel i icebḥen gar tixeggaḍin i d-yerzan ɣer temlilit-a . ‘‘S leqdicat i yecban wigi i nezmer, ad d-nessebgen ayen tesɛa tmurt-nneɣ, mačči kan dagi, meɛna ula di tmura n lbarrani ‘‘ d ayen i d-tenna yiwet seg tid yellan deg temsikniyen.
S. Y.