Ula lemmer ad d-mmeγ kra n yiwet seg sut tinzar yezgan ulint d asawen, ad as-teẓẓel afus-is akken ad yecḍeḥ yid-s, yugi, yeqqaṛ-asent: ‘’D tagi, d tagi kan ukud ara ceḍḥeγ! S nnig lewqam, d taxessaṛt”. Akken qqarrsen yidaṛrren-nsen seg uzedwi d uhuzzu n tqesrit, d tikli ad tekfu tmeγra, tekker ad tuγal s axxam, ira ad yeddu yid-s, ad tt-iwanes deg ubrid, acku ira daγen ad iẓer ansi i tt-d-wwin i tt-ilan.Tesγaffel-it kan almi yezzi udem-is γer tama-nniḍen, tekka tawwurt tessenser iman-is, teṭṭef abrid-is s tazla, terwel. Yemdekwal-d kan, iger tamawt teffe&gamma,; ulac-itt dinna, yeḍfeṛ-itt si s deffir. Akken d tikli ad tt-awḍen yidaṛṛen-is, tuγ-itt tegnitt tessaweḍ yakan γer sdat uxxam, iwala-tt mi akken tekcem deg yiseqqif, tezger-it kan, tekcem tessedreg aqeṛṛu-is deg yiwet n texxamt n yetbiren. γas ur yessegmeḍ ara s tmuγli, ur iwala ara sani terra, maca icumm-itt γer din i tekcem, yurğa-tt dinna melmi ad d-ffe&gamma,; almi i d-yejba baba-s n Mm Yiγiγden, yufa-d mmi-s n ugellid yettṛağu taqcict, yenna-as: ‘’Ttnadiγ yiwet n teqcict, ad tili tekcem γer texxamt –agi n yetbiren, teffer’’. Argaz, yekker iγḍel-d igenni γef tmurt, yesgerjej yakk taxxamt-nni, yeγḍel-itt-id, yesteqsa ul-is, yenna-as: ‘’Tezmer ahat ad tili d Mm Yiγiγden?’’ Terreẓ akk texxamt, ulac dacu ufan. Uγalen kecmen s axxam, ufan tuγ yiwet n teftilt d tamecṭuḥt kan akka, ula d tafat-is, tettak anzi γer tin ttwalin wid yezεillimen. Mm Yiγiγden, teẓẓel γef yiri n lkanun am tnamit, udem-is γumment-tt tbuxin. A zi&gamma,; teffeγ si tewwurt n deffir n texxamt-nni, tewweḍ s temsizzelt γer ddaw useklu-nni i γer tettεenni, tekkes iceṭṭiḍen yakk d tarkasin-nni telsa, tesres-iten s ufella uẓekka n yemma-s, yeddem-iten ufṛux-nni acebḥan, nettat terra-d ijerbuben-nni iqbuṛen i yidisan-is, tuγal s lemḥirat s amḍiq-is n tguni, teḍla tibuxin i wudem-is, teẓẓel am ulaxeṛt γef yiri n lkanun, terratt i lweεd ucexxeṛ… Tettkemmil
Yerra-tt-id seg talmanit Essaid Ait Maamar