Yenna umussnaw :« lbaḍna ur telli/Anwa ur nettwali/Tejreḥ tmuɣli n wid yessusmen. »
Muqlet kan ! Sserhaben yiberdan n tmurt-nneq. Mi yeffeɣ yiwen ssbeḥ seg uxxam-is, ur yettwaḍmen ara ad d-yekcem tameddit ɣer warraw-is. Tiwuɣa ta deffir ta, ad as-tiniḍ newwi deεwessu. Xemsa, εecrin, rebεin i yettmettaten deg waggur ? Mačči d amḍan (le nombre) ma nefka-t-id i aɣ-yecqan neɣ d awham i nwehhem s twuɣa-agi. Dayen uɣalen yimdanen dubbzen si lmut! Ayen yessewhamen d wigi yeqqaren “lleh ɣalleb”, “d lmektub”, “ah d laksida!”, “NORMAL”. Yettaɣ lḥal tamxixt yeḍran netterra-tt d normal!.
Ayen yessewhamen daɣen d wigi ur nettḥadar ara, d wigi i ḥessben tanhart d urar, takerrust d arelluc(jouet). D wigi ur necliε ara ma tseggem tkerrust, neɣ ma ur tt-ixus wara. D wigi ur nettqaddar ara isuḍaf n tenhert, d wigi inehhren melba turakt n unhar, d wigi i ttaṭṭafen L’volon nutni sekkren…
D wigi i d igezzaren mačči d wid izellun akraren d yizgaren.
Ɛebdellah εerqub