Asif n Sibaw d asif i meqqran i yellan deg Lwilaya n Tizi Wezzu, i yettmuddun azal n 60% n waman n tissit i yimezdaɣ n lwilaya. Xas akken azal-is meqqer, maca imakaren n rrmel zgan senqassen deg-s ass deffir wayeḍ ; s waya, deg 20 n yiseggassen isub wasif s wazal n 4 n lmitrat. Aya yeǧǧa imusnawen n uḥric-a ad rren lwelha n yimḍebdren ɣer taluf-a.
Si tama-nniḍen, aɣbel-agi n tukksa n rrmel s ṭṭaqqa, i d-yessegran s uɣelluy n tqenṭert n Buji deg useggas n 2005, yezmer ad yesseɣlli tiqentyar-nniḍen. Ilaq ad nerr lwelha ɣer temsat-agi iceɣben lɛama, wwin-as-d yimḍebbren tifrat ulama mačči d tin ara yesḥebsen tukerḍa n rrmel ; s usɛeddi n yibaragen n ijadermiyen. Maca, liḥala n laman ur nwenneɛ ara di lweqt-nni d lexsas deg uxeddim ǧǧan ilmeẓyen ad uɣalen ɣer wasif iwakken ad afen amesruf. Aasif n Sibaw yettluɣ seg wass ɣer wayeḍ almi yuɣal yetteriḥ seg libɛid.
Iwakken Sibaw ad yeqqim d Sibaw ur yettuɣal d asif n Lḥerrac yettwaḥettem ɣef yimḍebbren ad d-afen tifrat uqbel ma ifut lḥal !
Dalila.I