Mmyefken ttiɛad ɣef lɛecra d wezgen n tṣebḥit, di Lpari tis snat. Ahat leḥqen tmanyin n medden i d-imlalen. Kra mmyussanen yakan, kra nniḍen d tikelt tamezwarut i mmeẓren. Ṭṭaqqa deg-sen myussanen di Facebook. Din i as-gan llsas i tejmilt i Muḥya, ass n umenzu n unbir iɛeddan. Di tazwara, ssaɣen ticemmaɛin, zzin-as-d i yiwen lkader n Muḥya. Syin ɣer-s, ferqen ittafttaren deg-i yuran ayen yexdem Muḥend Uyaḥya, ama d timezgunin, am d isefra neɣ d ayen nniḍen. Ma yella d Saɛid at Mɛemmar, iferq-asen isidiyen n yisefra-s i as-yerra tajmilt i Muḥya. D netta i yerẓan asalu, yeɣra-d tamedyazt-ines. Sakin, yal wa s nnuba-s : Brahim Slimani(jeddi yebrahim), Ṣunya Lunis (Piluca), Qader Ṛabya, Ṛezqi Ṛabya, Bussaɛd Buɛic,Ṭaṭi tamcumt (Maître Budima Meεεahu), Aggur Slimani (Ssi Funi),…atg. Yal yiwen deg-sen, yeɣra-d kra seg wayen yura Muḥend Uyaḥya. Si tama nniḍen, Murad at Ɛli(Buzitwar), yewwi-d “D acu-t ssirk-agi ?”? iwenneɛ-itt-id akken ilaq lḥal. . almi yewwi leɛqel ineḥdar. Xas akken drus yid-sen, xas akken yenwa akka cwiyya ciṭuḥ ad t-ttun, yella wi d-yerran tiqit…Ziɣ mazal lxir ar zat, skud llan warrac nneɣ….
Ur teẓrim ara kenwi
Asmi d iyi-d-teğğa yemma
Mačči niqalint terwi
Uqmeγ-asen ssalima.
Lukan ufiγ ad rewleγ
Ur cukkeγ ara ad iyi-d-ṭṭfen
Ur bγiγ ara a d-laleγ
Ssemḥet-iyi ay iḥbiben
Muḥend Uyaḥya
Zira