Deg Yifnayen, deg yiwen n umkan i d-yezgan gar snat n tudrin-a Taourirt Nat Gana d Tiɣilt Nat ziyan, ufan-d din yiwen n uxmuj yeččuren s yiblaḍen yuran s tlaṭinit akken i d-yeffeɣ lexber seg tɣiwant n Leqser. Nnan-d daɣen zun akken amkan-a d win yellan yeɛmer deg tallit-nni n Rruman yerna d akemmel i wadeg archéologique n Tiklatin. Gar wayen i yufan dinna, yiwen n ublaḍ ameqqran, d imdewwer yesɛan azal n 1,50 lmitrat deg tuzzya-ines, uran fell-as s yisekkilen n tlaṭinit. Akken tella taluft ar ass-a, qqaren adeg-a yeččur s later n rruman n tallit n 28 iseggasen qbel n tallit n Sidna n Ɛisa.
D. I.