Azɣal, fad, tidi, εeggu, rnu aɣebbar d yir isufar n temεict. Suqq n Lḥed i d-yezgan deg tɣiwant n Timizart deg dayra n Wagenun, tugi ad tezwi ilefḍan d wamus ɣef yicuḍaḍ-is. Imezdaɣ n tamdint-agi, weḥlen deg yir liḥala ideg tewqeε temdint-nsen. Deg wussan-a ineggura, ula d ayen akken imenεen zik, am yiṭrutwaren, yuɣal yedda ula d netta deg d wayen yezrin. Kulci yettwahud, kulci yeɣza yeqqim akken ! Sebba n wayya d aεiwed n trisiti deg yiberdan. Maca, kra ur yettwaxdem, kulci yeqqim akken yeglugel : ixemǧan ur ttwarglen-ara, lexyuḍ n tirsiti εelqen ɣer berra amzun d iẓerman. Lḥasun anda tḥekker tiṭ ala yir tugna ara ad tt-id-yemmagren. Asiḥsef n yimezdaɣ yeɣleb ṭṭmaε-nsen. Amer ad walin kra yellan yuɣal ɣer umḍiq-is. Am wakken i s-yenna umedyaz deg wawal-is “araju yuɣal d lbaṭal”. Ma d wid teεna taluft, qqaren : “ar melmi ara yekfu ustehzi-yes-neɣ ?”
Ait Slimane Hamid