Gar-aneɣ d kra wagguren kan, ad yeldi deg tɣiwant n Amecras, deg unẓul n lwilaya n Tizi Wezzu, yiwet n temkarḍit. Asenfar-agi d win i d-yesqamen azal n umelyar d uzgan n sentim.
Asewjed n temkarḍit-agi, i d-yemmugran deg tazwara aṭas n wugguren, ad d-yerr tarwiḥit i yilmeẓẓyen n tama-agi, i yettidiren deg yir taswiɛt, ladɣa inelmaden d yisnawiyen yessexdamen iḍrissen i yinadiyen-nsen. Am wakken ara yefk tagnit i wid iḥemmlen leqraya ad ɣren idlisen yettnuzzun s ssuma ɣlayen.
Tamkarḍit-agi, bnan-tt ɣef snat n tseddarin ; tamezwarut i ujmaɛ n yiḍrisen, tis snat i wid akk iran ad sxedmen tizeɣwa i leqraya-nsen neɣ i unadi.
Dalila I.