Ass lḥed iεeddan, yiwen n yilemẓi n taddart Tala Xellil i d-yezgan deg Wat Dwala, xeḍfen-t 5 yemdanen yettwaselḥen. Ilemizi-a yeffeɣ-d beεd lmeɣreb netta d sin n yimdukal-is s ṭṭunubil, imdukal-is serḥen-asen-d deg umkan iwumi qqaren Akal-Aberkan anda ufan ula d ṭṭunubil-nni.
Ɛlaḥsab n yisallen i aɣ-d-yewwḍen, imdanen-agi ḍelben deg yimawlan n yilemẓi-a aṭas n yidrimen. Ar ass-a mazal taluft tεelleq.
Djamila Ahitaghel