Seg useggas n 2004 u mbeεd setta n yiseggasen, tarbaɛt n yilmeẓyen n Leqbayel n ddabex uḍar J.S.K ad turar timlilit n taggara n teqbuct n Lezzayer akked terbaɛt n Lḥeṛṛac U.S.M.H ass n umenzu n mayyu 2011 ɣef ṛṛebɛa n tmeddit (16h) deg unnar n 05 yulyu di tmanaɣt, u anect-agi mbeɛd amecwaṛ igerrzen i xedmen yemdukal n Laamara Douicher di temliliyin iɛeddan imi rebḥen tirebbaɛ n C.R.B.Sedrata, E.S.Mostaganem, M.C.Eleulma, C.R.Belouazdad deg ussan : 1/32, 1/16, 1/8 akked 1/4 uqbel taggara, yuɣ lḥal di temlilit-nni n wass uqbel taggara i d-yellan ass n 18 yebrir-nni yezrin rnan tarbaɛt n wihran M.C.O s sin yeswiyen ɣer yiwen. Timlilit-agi n taggara tettuneḥsab d tis tẓa (tesɛa) deg umezruy n J.S.K, ad nesmekti dakken tḥeṛṛa-d yakan kuẓ (ṛebɛa) n teqbucin n Lezzayer tesṛuḥ deɣen kuẓ (ṛebɛa) imi azal n 16 iseggasen-aya tarbaɛt n J.S.K ur as-d-tṣaḥ teqbuct n Lezzayer acku taneggarut tewwi-tt aseggas n 1994, dacu kan tin n tikelt-agi ama d imdebṛen ama d imyuraren ɛeblen-d ad tili d tis semmus (xemsa) ayɣeṛ ala, mebla ma nettu luluf n wid i iḥemlen terbeɛt-agi begsen-d i meṛṛa ɣef ddema, ma d nekni ad nini yerbeḥ neɣ yexṣeṛ d gmat-nneɣ ayen.
Farid Lahouari