Tasdawit n Tizi Wezzu d tin ara yeldin tiwwura-s i wazal n 5975 yinelmaden imaynuten i d-yusan seg tamiwin yemgarraden n lwilaya, rnu-yas inelmaden n lwilaya n Bgayet d Tubiret. Ilmend n ujerred-nsen, yella-d useqdec n ttawilat atraren i usishel n lecɣal d tikci n lkarṭat n yinelmaden d tixxamin deg yiɣerman isdawiyen. Aseggas-a, tasdawit n Mulud Mɛemri d tin ideg d-lant aṭas n les branches d les spécialités timaynutin deg leqraya n LMD, am tafelsafit, tameslayt d yidles agelizi d tiyaḍ. Ad d-nerr tamawt belli tasdawit n Tizi Wezzu d tin i d-yessufuɣen azal 12 000 n yisdawiyen s yigerdisen (diplômes). Dalila I.
