Anekcum ɣer yiɣerbazen deg lwilaya n Tizi-Wezzu aseggas-agi, d win yemgarraden. Leḥsab n yinelmaden d win ara yilin s wazal n 19 i yiwet n tzeqqa deg uswir amenzu. Aya, yella-d sebba n lqella n tlalit deg lwilaya deg yiseggasen-a ineggura. Γef waya, ad ɣelqen 43 yiɣerbazen n uswir amenzu deg tɣiwanin yemgarraden, ladɣa deg dayra n Aẓeffun anida ɣelqen 16 yiɣerbazen. Llan ula d iɣerbazen ara yesduklen inelmaden n snat tudrin akken ad ldin am win n Iɣil-Feqri deg Larebɛa-Nat-Yiraten.
I usmekti, azal n 89337 yinelmaden i ttwajerden deg uswir amenzu aseggas-agi. Leḥsab d win ixusen ɣef useggas iɛeddan s wazal n 3632 yinelmaden. Taswiɛt-agi d tin ara yeǧǧen leqraya n yinelmaden ad twenneɛ. Ur ilaq ad nettu, deg yiseggasen n 80, azal n yinelmaden yewweḍ ɣer 45 deg tzeqqa.
Dalila. I