D azɣal neɣ d asemmiḍ,; deg wass neɣ deg yiḍ,; Mesṭafa, imi akka i as-qqaren, yezga ɣef teblaḍt-nni. Tikwal s yigerru ma yella win i as-t-id-yefkan, ma ulac hatan yettxemmim weḥd-s ; wis sani ?
Nebɣa ad nẓer sser n waya, nenced iman-nneɣ d inebgawen ɣur-s, s lferḥ d ameqqran i aɣ-d-iga irebbi : yekker ɣef teblaḍt-nni i wakken ad neqqim nekni. Nerna-d tayeḍ ɣur-s, yebda-d taluft-is :
« Lliɣ xeddmeɣ di tkuzint, di la police, di Lezzayer si 1989 armi 2006. yiwen n wass nnuɣaɣ akked win i aɣ-iḥekkmen (win iḥekkmen takuzint-nni) acku walaɣ ayen ur nlaq ara ad waliɣ ahat. Dɣa deg wass-nni, yedda-tt fell-i armi iyi-d-yufa ssebba ayen iyi-ğğan ad ḍelbeɣ ad d-uɣaleɣ ɣer Tizi Uzzu. Qqimeɣ aggur ur xdimeɣ ara. Asmi i uɣaleɣ s axeddim, mi iyi-d-xelsen, ufiɣ xussen 2000DA. Nwiɣ kan d aggur-nni anda ur xdimeɣ ara yerna xelsen-iyi i tekksen. Acu kan asmi ruḥeɣ ad ẓreɣ ssaḥ,; din i qrib mmuteɣ,; ufiɣ ttwalaseɣ 17 yimelyunen ! Nnan-iyi-d ntekkes-ak 2000DA i waggur akken ad ten-tɣermeḍ. Ur fhimeɣ acemma, u nutni ugin ad iyi-d-fken ttbut n waya. Ihi ttazzaleɣ ugar n 4 tikal si Tizi ɣer Lezzayer. Tikelt taneggarut, nnan-iyi-d ruḥ wali akked lbusṭa. D acu ara waliɣ akked lbusṭa ? Xedmeɣ arapur wiɣ-t ɣur-sen ɣer yimḍebbren inu. Urğiɣ ad iyi-ssemsawin lecɣal, ihi imiren i tkemmel : ḥebsen-iyi-d di lxedma, seg wassen, εerqent-iyi, aql-iken la tettwalim. Acu ur fhimeɣ ara daɣen, lukan ttwalaseɣ 17 yimelyan, tili ad ten-id-ḍelben tura ? Si 2006 ar tura ur d-nudan ara fell-i ! Ruḥ fhem-itt tura kečč ! ».
Lhocine Ourezki