B. Benhamouche
Taggara n ddurt-agi, ɣef 10 n ssbeḥ,; di tzeqqa n sinima n Uqbu, tella-d yiwet n temlilit ɣef tezdeg n twennaḍt d useḥbiber fell-as, thegga-tt-id tdukla n Iɣzer-Teḥriqet n Uqbu. Yuget wawal deg temlilit ɣef wamek ara d-yili useɛlem n lɛama d uwelleh-nsen akken ad ḥadren ɣef ugama, am wakken daɣen mmeslayen ɣef wahilen d yisenfaren ara d-yettuheggin akka ɣer zdat di tɣiwant n Uqbu.