Imezdaɣ n taddart n Riki “Village Amirouche”, am yizzayriyen beggnen-d lferḥ n yibeddi-nsen ɣer tama terbaεt taɣelnawet imi aṭas n yelmeẓyen n taddart ṭṭfen abrid ɣer sudan, ma d wid iwumi ur tettunefk ara tegnit ur ḥbisen ara s ccnawi-nsen d ṭṭbel alma qrib yuli wass.
Maca iwakken ad biεden tiṭ ɣef terbaεt taɣelnawet n ddabex-uḍar n tmurt Lezzayer ; aṭas n twaculin i yezlan iyuzaḍ,; zazlent idammen, xedment imensi sferḥen tiwaculin-nsen. « Azizel idammen yettwexxir tiṭ,; ncallah ad wexxrent wallen iḥessaden ɣef yemyururen n Lezzayer », i aɣ-d-tenna nna Ǧuhra, yiwet n temɣart i nesteqsa. « Tikti n usfugel n rrbeḥ n yizegzawen s yimensi s yiyuzaḍ,; tcud ɣer usfuggel n yennayer asmi akken Cacneq yesbed tagelda n Yimaziɣen di tmurt n Yiferεunen. Izegzawen rebḥen arraw-is, ɣef waya i nezla iyuzaḍ ass-a », i aɣ-d-yenna yiwen n uselmad n umezruy n taddart-a.
B. Benhamouche