Imeḍebren n lewilaya n Tizi Wezzu zzin lewelha-nsen taggara-aya i wesefti n weḥric n teɣamsa, i lemend n wazal i tesɛa deg unegmu. Mbaɛd asenfar n usewejed n uxxam n rradyu n ǧerǧer deg uxxam n yedles Mulud Mameri, lewelha tezzi ɣer usewejed n wexxam i tɣamsa. Azal 25 imelyunen n dinar i d-ttuheggan i lemend n tiɣin n wakal ɣef ara yettusbed uxxam –a : akal d win ɣlayen s waṭas deg lwilaya n Tizi Wezzu. Aya d ayen aya yesneɣsen laɛtab n ineɣmasen iqdecen deg yiɣemisen yemgaraden, imi tuget deg-sen ur sɛin ara lebiruwat, ttafen-d iman-nsen deg tzeɣwa n linternet neɣ deg tezeqqa i ihegga i lemend-nsen wexxam n yedles Mulud Mameri. Axedim-agi n teɣamsa i wumi qqaren axedim n leɛtab, d win waɛren,u lefayeda-s d tin meqren i yemezdaɣ d tedamsa n temurt-neɣ. Si tamma niḍen, yettili-d lawana lebni n sur ara d-yezin i wexxam n radyu anida mazal lecɣal teddun.
Dalila I.