Leḥirfat n ufus d tid yesɛn azal meqren deg temurt n leqbayal, imi d nitenti i d-yettbeginen udem n yeldles amaziɣ,; am akken i d-ttawint anegmu n tedamsa. I lemnd n waya yettili-d usewejed n yiwen usenfar n lebni n wexxam wis sin n leḥirfat n ufus deg webrid i wumi qaren Stiti deg temdint tamayenut n Tizi Wezzu, deg tama n suq n leǧemla. Asenfar-agi d win i wumi tettunefk tedrimt n wazal n 102 imelyunen n dinar.Leceɣal n lebni d wid ig teddu, u yetturaǧu uselek n lebni deg telata wagguren inegura n usegas n 2011. Axxam-agi d win ara yettusebden ɣef 131 n m2 Am akken ara ilin deg-s xemsa n teseddarin. Deg teseddart yellan ɣef leqaɛa ad yelli win n zikniwin d uzenzi n isufar n leḥirfat n ufus. Am akken ad illint telata n tzeɣwa n linfurmatik, tis rebɛa n linternet. Ad tili daɣen yiwet tezega temeqrant n isaragen. Si tama nniḍen asenfar-agi d win ara yefken tagnit n uxedim i 82 ixedamen. Ad ner lewelha, belli leḥsab n ixeddamen n weḥric-agi n leḥirfat n ufus d win yettnernin deg useggas ɣer wayaḍ deg lwilaya n Tizi Wezzu, i lemed n lemɛawna i tettak dulla i yexedamen n weḥric-agi d uselmed n yelmeẓyen deg leḥirfat yemgaraden am lfeṭṭa, taleɣt, azeṭa…
Dalila I