Imezdaγ n tγiwant n Wizgan drren yiwen wugur meqren ayen yugaren assegas-aya. Ugur-agi, d iberdan i xarben, wid yettawin γer tudrin fesden mara,xarṣum ibardan n tlemast n tγiwant n Wizgan i γzent tkebbaniyin n lgaz d waman uγalen d iγezṛan. Imezdaγ n temnaḍt n Wizgan suturen acḥal aya deg imḍebren εlayen n tγiwant-nsen, d wid teεna taluft, γef uqaruy-is aselay n tesqamut taγerfant n tγiwant n ukaber n wegraw i idles d tugdut (RCD) akken ad-ggren timawt, maca lḥif yugi ad-yekkes, ur neẓri anwa ar at-yeksen? Azal n sin waguren-aya ideg i fuken lxedma, maca ibardan zgan rwin mara, ma yella-d d iṭṭij tamdint tekker deg-s tagut uγebbar, ma yella yeγli-d ugeffur yekkar waluḍ deg ibardan, imdanen teddun γef texmirt, wa yewḥel wa yeḍfi s wakal, wama tumubilat fiḥel fell-asen awal. Γas akken gten-t cikayat γer imḍebren n tγiwant, maca ulac win izemren ad yexdem kra i wayeḍ. Γas aken wallan taluft tluγ,; ulac win izemren ad-yaf tifrat. Ihi, γas aken imezdaγ n Wizgan rfan, muḥal gezmen asirem, ḍemεen deg-uselway amaynut n ugarzu n Tizi-Wezzu (p/apw), i sbeden ussan-agi yezrin n ukaber n RCD akken ad-yexdem kra i temnaḍt-agi acku aselway amaynut n tesqamut taγarfant n ugarzu n Tizi-Wezzu d mmi-s n Wizgan. Maca aselway-agi amaynut yebda leqdic meqren i lfayda n teddert-is, anda yiwet n tekebbanit n baylek t-ṣeggem abrid n tumubilat s lgudru(tapis) mebla ma εelmen imḍebren εlayen n Wizgan, am uselway n tγiwant am uselway n dayra, ma yella d imezdaγ n tudrin n niḍen, ilaq ad-tesεut argaz ara i-xedmen fell-awen, ma yella ulac rrjut Rebbi.
Islam Bessaci