Bumbacher Aude, timḍebbert n tiddukla tagraγlant n yimeεdar terza-d γer Wizgan Bumbacher Auden n tmurt n Swiw, d timḍebbert n usentel « Education inclusive » n tiddukla tagraγlant n yimeεdar, terza-d ass n lḥed n ddurt yezrin γer uγerbaz n yimeεdar (centre psychopédagogique) n temnaḍt n Wizgan, anda I d-tessefhem asentel-ines akken ad εerḍan ad d-fken kra n walallen iwulmen I usekcem n yimeεdar di tlemmast n tmetti. Asentel-agi heggant-id yimḍebren n tdukliwin n temnaḍin yemgaraden n tmurt n Lezzayer gar-asent llant :Tiddukla Taγelnawt n yimeεdar « El Baraka », Tiddukla n Yimawlan n warrac n temnaḍt n Seṭif akked Tiddukla n Yimaεder d Yimeddukal nsen n temnaḍt n Wizgan. Iswi n usentel-agi d aḥareb γef yimeεdar s wudem yelhan, di yal iḥricen unegmu, xerṣum aḥric n tterbegga d wulmud, anda asentel-agi yessutur deg yiεeggalen n tdukliwin akken ad sṣiwḍen ad skecmen imeεdar γer wulmud deg yiγerbazen di yal tamnaḍt n tmurt n Lezzayer.
Islam Bessaci