Deg wass d laz d fad, deg yiḍ ulac zhu ! Akka i d liḥala i nezra deg tuddar n tama n lɛarc n’At Ɛebbas, yesduklen 3 tɣiwanin: At Ṛẓin, Iɣil Ɛli lakked Buǧlil. Mti i yedden ccix n lǧamaɛ akken medden ad rẓen Ṛemḍan, wigi, ttruḥu-n s lemɣiwla ɣer yixxamen nsen akken ad « ɛemren » iɛebbaḍ nsen. As ma yeččar uɛebbuḍ d-učči, ilaq aqerru ad « iɣenni » ! Akka attebdu ṣahra n Ṛemḍan. Yal yiwen akken i ttisɛeddi, yal yiwen akken yezmer. Newwi abrid ɣer waṭaṣ n tuddar n lɛarc n’At Ɛebbas, anda nwala lixṣaṣ yaɛnan allalen n zhu (moyens de distraction). Ama deg Buǧlil, Iɣil Ɛli neɣ At Ṛzin -wigi ɛad d-iqerra n t’ɣiwanin-, medden ur ufin ara axir n leqhawi akken ad sɛeddin akud nsen lakked ṣahrat n Ṛemḍan. Ayat laɛraḍ, leqhawi n tuddar-agi lakked d tiyaḍ, ttuɣalen-t as t-iniḍ d leswaq ! Ččuren-t alarmi i « twezziɛen-t ». Laɛyaḍ, axbaḍ n diminu (Dominos), lgazuz, lqahwa, taḍṣa, askaɛkaɛ,duxan,… ulayɣar ad rnuɣ! Deg berdan lɣaci ttfeggiḍen am isaffen. Tikli akken ad serḥen-t lmaɛidat nsen. Arrac tturaren, ǧǧelliben sya u sya am cwaṭen. Ula d leǧwamaɛ ččuren alarmi « ttiqqin » seg imezalliyen (fidèles). Ulac ula d littaɛ akken ad ẓallen msakit. Akka, qwan lmumnin… leǧwamaɛ ulac. Deg tiddett, tuddar-agi ur sɛin-t ara ttawil s wacu ad sɛeddin imezdaɣ nsen-t ṣahrat n Ṛemḍan. Ulac akka timaɣriwin (galas) neɣ ticeqqufin neɣ ayen ara yessedhun lɣaci. D ttanezruft n yidles (Désert culturel) ! Ɣas akken zik nni (deg iseggasen n 1990) asmi yeqwa rebrab, ttilin-t deg tuddar-agi ticeqqufin, timaɣriwin yeksen iɣeblan ɣef ulawen n yimezdaɣ n tama-agi n’At Ɛebbas. Iseggasen-agi ineggura begnen-d akken medden uɣalen d yigellilen n yidles ! Ur asen d-yecliɛ ara yidles, awid kan učči i uɛabuḍ lakked tadrimt. Zik nni, ɣas akken uklac allalen, llan ilmeẓyen yessaḥmayen annar, i qedcen deg yidles akken ur yettɛuggun ara yiles ! Tura, ilmeẓyen n wass-a uɣalen d wiyaḍ, ur ssinen tiqqit !
Syphax Y.