Yiwet n tedrimt meqren n lqidar n 265.4 imelyunen n yidinaren tettwahegga-d ilmend n wahil n unegmu n xemsa n yiseggasen 2010-2014. Aya s zyada n tedrimt i d- yugaren deg wahil yezrin, lqidar- ines 110 imelyunen n yidinaren. Tadrimt- agi meqren i d- yettwaheggan ilmend n usefti n tdamsa n lwilaya d useddu n yisenfaren yemgaraden ladɣa win n lecɣal n lɛamma neɣ travaux publics iwumi yettwahegga wazal n 72.88 imelyaren n ssentim, am wakken i llan kra n yisenfaren s wazal nsen i yetturaju ad d-yili usewjed nsen di kra n yiseggasen i d-iteddun, ayen yecban abaraǧ n Tedmait d At Caffaɛ, annar n 50 000 n yimukan, tasdawit n tamda, 45 000 n tmezduɣin, tlata n sbiṭarat, 10 n yixxamen n yilmeẓyen d yiwet n tzeqqa n tmeɣriwin deg Wad Falli. Aḥric n usiweḍ n lgaz ɣer yixxamen ad Yaweḍ ɣer wazal n 60% s zyada n 130 000 n temezduɣin ara yettucudden ɣer uqadus n lgaz deg wahil –agi. Aya mebla ma nettu acuddu n lwilaya ɣer ubrid ameqran asammar-amalu seg temdint n Draɛ Lmizan d uɛiwed d usewseɛ n ubrid aɣelnaw Wis-12.
Dalila I.