Ass larebεa iεeddan, γef lewhi uzezwu, yiwen urgaz i yesεan ugar n 60 yiseggasen di leεmer-is iεelleq iman-is s temrart daxel n uxxam.Σlaḥsab n wakken i aγ-d-nnan, argaz-a, i yellan zik d iminig, iγum aqerru-s s tebluzt-is uqbel ad yerr tamrart i temgerṭ-is. « Armi yeḥkem γef yiman-is s lmut, i tt-yexdem !!! » i aγ-d-yenna yiwen umγar. Ma d awal iceγbel akk medden d sebba n wanect-a imi yal wa d acu n temsalt i d-yettawi ladγa imi ḍrant tedyanin-nniḍen am ti ussan-agi kan. Akken yebγu yili lḥal, ilaq ad yili wawal di twacult γef twaγit-a mačči iwakken ad hedren γef wamek neqqen iman-nsen, ad hedren γef sebbat n twaγit-agi iwakken ad ḥarben γef iεeggalen n twacult-nsen. « Azal n 10 n tsaεtin i yeqqim akken iεelleq imi les pompiers ugin ad d-asen, aya ikemmel leḥzen i twacult-is akked warraw n taddart-is s umata… » i yesḥassef yiwen umeddakel-is.
Lhocine Ourezki