Tarbaɛt n waddal « Loisirs et sports de Montagne » (LSMAzazga) i d- yettusbedden deg useggas n 2004 texdem asurif ɣezzifen deg uḥric agi n waddal n udrar, imi tettekki ama deg tilɣuɣa n tmurt neɣ tiberraniyin. Ɣas akken ur tesɛi ara ttawilat ilaqen, inaddalen-is rebban tismin i yeǧǧan aswir nsen simmal yettnerni. Azal n 100 n yelmeẓyen i yellan di terbaɛt- agi, anda ara ifernen “VTT», le ski, alluy n udrar d tikli. Ilmend n umulli wis-48 n timunent n tmurt d win n yelmeẓyen, tarbaɛt- agi am yal aseggas, thegga-d yiwen n wahil d amerkanti i teɣzi n tlata n wussan. Deg wahil- agi, ad naf yiwet n tilɣuɣa n walluy n udrar neɣ l’escalade deg tama n At Zikki i-d yezgan ɣef 1 200 m n leɛli. Tilɣuɣa-a, ttekkint deg-s trebbuyaɛ n Tizi Wezzu, Tubiret d Setif. Am wakken i d- yella yiwen n « championnat national et une randonnée » deg tama n wasif n Sibaw. Ad nerr lwelha belli tarbaɛt- agi d tin i yettnaɣen ɣef uḥareb ɣef twennaḍt s leqdic- ines s useɛlem n yimdanen ɣef wazal n twennaḍt di tudert n yal ass..
Ad d-nesmekti belli tarbaɛt- agi n LSM Azazga d tin i yettikkin deg tilɣuɣa tagraɣlant i d -yellan deg les Alpes deg tama n Grenoble deg tmurt n Fransa, anida i d-teḥrez amkan yelhan. Deg taggara ad d-nini belli asirem n terbaɛt -agi d tulya n yiwet n la station de ski deg tama n At Zikki i usejhed n waddal n udrar.
Dalila I.