Deg yimalas yezrin, tella-d deg taddart n Bouaiche di tɣiwant n Bechloul yiwet n twizi i d-yesdukklen imezdaɣ n taddart i merra. Iwiziwen, d tirni, usan-d iwakken ad rren sqef i lǧameɛ n taddart nsen. Usan-d ula seg temnaḍin iqerben Bouaiche. D ayen yessefraḥen ahat, imi mlalen yimdanen afus deg ufus, zzin-as i cɣel. Maca, ayen i d-ijebden lwelha nneɣ d leɛlamat-nni i yettṛefrifen deg umkan. Yiwen n ssenǧeq ameqran yers s ufella n sqef, ad t-id-twaliḍ mebɛid. Aseqsi i d-yettuɣalen deg yilsawen d akken acu n wassaɣ yellan gar leɛlam d ddin ? Aneggaru-a yecrek acḥal n tmura, ma d leɛlam d ayen nniḍen. Yerna, lukan ad nerzu s amezruy ad naf mebla ccek llan wid isebblen tirwiḥin nsen ɣef leɛlam ur llin d imeẓẓulla. Yezmer ad naf ahat gar yimeɣrasen wid yumnen s tlelli n tmurt ur uminen s ddin.
Taluft yecban tagi nettwali-tt daɣ di rwaḥ neɣ tisin n lḥeǧǧaǧ. Yuɣal leɛlam d azamul ara d-ibeggnen belli d lḥaǧ i yellan deg tkerrust-nni.
S tidet, ttawin yimdanen leɛlam ɣer yinurar mi ara turar terbaɛt taɣelnawt. Dinna d tamurt n Lezzayer ara d-ibanen, ma d sqef n lǧameɛ neɣ d tisin n lḥaǧ, yezmer ahat d arway i nreggi di lecɣal.
A.A