Iseggasen-agi ineggura, yeṭṭuqet wawal γef lmasiḥ ladγa di tmurt n leqbayel. Deg userγi, di Tizi Wezzu, n tmezgida (lğameε n yirumyen, akken i as-qqaren) γer ibeddi sdat n creε n kra n yimasiḥiyen ‘’yeččan’’ remḍan, ulac ddurt anda ur d-hdiren yiγmisen γef yimasiḥiyen, yal wa d amekkan i asen-yefka : wa yeqqar d acewwul i bγan ad cewwlen tamurt ; d aceyyeε i aγ-ten-id-ceyyεen si berra, ttaken-asen idrimen, wayeḍ yeqqar d lḥeqq i yal yiwen ad yextir ddin-is, yettunefk uzref ula di tmendawt.
Iwakken ad nwali d acu ttxemmimen imasiḥiyen-agi deg wanect-a, nemlal sin deg-sen di Tizi Wezzu, Smail 38 yiseggasen di leεmer-is akked Brahim 47 yiseggasen.
Aamek i d-tufam iman nnwen d imasiḥiyen ?
Smail : ur d-kireγ ara kan akka d amasiḥi, meεna kreγ-d amek i d-nejren abrid lejdud-iw nekk ḍefreγ-t. Uqbel, seg wasmi lliγ d ameẓyan, ttnadiγ γef lehna ur tt-ufiγ ara, ttnadiγ γef leḥmala n tidet ur tt-ufiγ ara,sεeddaγ ussan weεrit di tudert-iw.Armi d asmi i sneγ lmasiḥ ay ẓriγ l’identité inu n ssaḥ, amek giγ daxel-iw, ufiγ belli d amdan amednub, dir-iyi. Si 1999, heddren-iyi-d γef lmasiḥ, lliγ diguti&gamma,; dizispiriγ di ddunit-iw, nniγ-as d acu-t lmasiḥ-agi ? Nnan-d a weddi d abrid n tidet. Ur ngizeγ ara dirikt, uγaleγ ttmagareγ-d imasiḥiyen-nniḍen, ufiγ mxalafen lehdur nsen γef wiyiḍ, tudert nsen teṛsa γef leḥmala. Syinna, tettunefk-iyi-d l’évangile, yemmarka-d s ufella « Paix, vérité amour ». Mi walaγ akken, nniγ deg yiman-iw :’’ma kesbeγ anect-agi, dayen-nni kan’’. Γriγ-t, εeğben-iyi lehdur n Sidna Σisa lmasiḥ, syin rriγ-t γer ṭṭarf. Kemmelγ deg ubrid n dir, sεiγ yir ixemmimen, d amdan ikerhen, d amdan i ittaṭṭafen cḥani. Acu kan, yusa-d wass anda i ttruγ i Sidi Rebbi : γelqeγ tawwurt n texxamt-iw, sawleγ-as i Sidi Rebbi, ẓẓuleγ-as, uγaleγ-as γef tgecrar, ssurgeγ imeṭṭawen almi. Rniγ kan kra n wussan, yehder-iyi-d lmasiḥ di targit. Dina ay ẓriγ belli d tidet. Syin bdiγ ttruḥuγ γer tmezgida (l’église). Di tmezgida, yeεğeb-iyi lḥal imi ttẓallan s lluγa nne&gamma,; nhedder i Rebbi s teqbaylit. Ahat, εeddan 6 n wagguren nekk d imeṭṭi yal mi ara kecmeγ tamezgida, armi d ass i yuγaleγ d amdan-nniḍen : zik, lliγ kerhe&gamma,; uγaleγ ḥemmle&gamma,; zik ttaṭṭafeγ cḥani, uγaleγ ttsamaḥeγ.
Brahim : nekk sεiγ lḥağa déjà heddreγ-tt i lγaci, qqaren-iyi-d kečč d aderwic, tettzuruḍ. Nekk ttwaliγ leḥwayeğ-nni deg-sen, ttwehhimen deg wayen i asen-qqareγ. Ihi, amek i kecmeγ γer lmasiḥ. Yiwen wass, di lemnam n Sidi Rebbi lεalamin, yusa-d lεebd γer γur-i, d aεlayan, yeṭṭef-iyi-d deg umgarḍ, yenna-iyi-d : ‘’i tura keččini, εni ur d-tettnekkareḍ ara ? D acu akka tettrağuḍ ad tekkreḍ ?’’ Syin, yewwi-yi γer yiwen ubaṣan n waman, yesseγḍas-iyi daxel-is. Ndekwaleγ-d, ufiγ-d iman-iw uγal-aγ akk d tidi. Qqreγ-as d acu-tt akka targit-agi ? Twehmeγ deg yiman-iw nekkini. Axater, uqbel mi ara heddreγ i medden, qqaren-iyi-d kečč d amdan yettẓurun.
Zriγ lliγ d amednub, εeddaγ deg yimekwan mi ara d-zziγ tura γur-sen, qqreγ-as mačči d nekk i d-iεeddan syin. Kul mi ara weqεeγ di temsalt, yettsellik-iyi Sidi Rebbi.
Tenniḍ-d, a Smail, tḍefreḍ abrid n lejdud, kra qqaren-awen dγa tefγem i ubrid nsen.
Smail : lejdud nneγ d inselmen, acu kan mi ara twaliḍ γer lejdud n yiḍelli. Lamaεna, mi ara yessiked bnadem γer deffir, ad yessiked mliḥ γer deffir, uqbel ad d-tekcem tineslemt, nekni nella d imasiḥiyen. Aṭas n lεadat i d-yesbanayen belli nekni d imasiḥiyen. Ihi, lmasiḥ, mačči d lḥağa tajdiḍt di tmurt nne&gamma,; xaṭi, d zzit ara yuγalen s asγar.
Aṭas i as-yeqqaren, di&gamma,; leqbayel ttruḥun γer tmezgida axater yella crab din, u mesmuḥ ad tesweḍ crab di berra.
Smail : ma d tagi n crab, qqaren-as imasiḥiyen ttruḥun γer l’église tteskaren, neγ ttxelliṣen-ten-id, ttaken-asen-d iṣurdiyen, tagi makac menha. Ad asen-iniγ i yimdanen-agi ad ruḥen ad walin d acu iḍerrun daxel n tmezgida. Ma d tamsalt n crab, lmasiḥ uqbel ad ṣelben, yeddem-d aγrum, yefreq-it i yinelmaden-is yenna-asen :’’axet, ferqem-t gar-awen, tagi d lğessa-w ara iruḥen fell-awen, ara yettwagezren fell-awen, d asfel. Syin, yefka-asen taqbuct n crab, tagi d lemεahda tajdiḍt, tettmetil idammen-iw ara yazlen γef liğal n tudert nwen’’. Yenna-asen i yinelmaden-is xedmet anect-a alamma d asmi ara d-uγaleγ. Alors nekni di l’église ass-agi, mačči d askar i nsekker,xati. D tidet yella crab, lamaεna d aguti i nettguti, d aεreḍ. Yettmetil idammen n lmasiḥ, aγrum-nni d lğessa-s.
Awal, ahat, γef yimasiḥiyen-nni iεeddan di craeε γef remḍan.
Brahim : acu ara d-iniγ nekk. Tura ma yella amdan ad yečč akaskrut ad t-awin γer lḥebs, icebba-yi-d Rebbi d lbaṭel. Netta, yuγ lḥal yella kan Rebbi ad iḥaseb imdanen. Ma iṣeḥḥa ubrid-ik, beggen-it-id s leḥmala inek. Qader-iyi ad ak-qadre&gamma,; ḥemmel-iyi ad ak-ḥemmleγ. Anda tella leḥmala, tella tlelli. Wid yekka-ten deg-ne&gamma,; ad asen-nini :’’ Rebbi ad aken-ibarek.’’
Hocine. M