Akken kkan i d-yewweḍ lawan n lqeḍ n uzemmur, imezdaγ n tudrin n temnaḍt n wizgan fγen γer tẓẓegwa-nsen akken a d-jemεen lγella-nsen akken i yuγen tanumi i yal assegas. Maca tufγa n yimezdaγ n temnaḍt n Wizgan γer lqeḍ n uzemmur n ussegas-agi mačči am laεwayed yezrin. Assegas-agi yemgarad γef yissegasen iεeddan. Tikkelt-a imdanen tefγen γer tẓẓegwa-nsen s tegdi acku uccanen γeḍlen-d rrehba γef yimezdaγ n temnaḍt n Wizgan, zzedmen γef yemdanen mebla tegdi, γeẓẓan azal n 7 n yemdanen tuget deg-sent d tilawin yerna di tudrin yemgaraden. Imdanen-agi i γeẓẓan wuccanen wwin-ten γer wexxan n tujya n temnaḍt-agi, yella-d udawi-nsen deg wemḍiq syen yella-d userreḥ-nsen γer yexxam-nsen. Timentilt n ẓẓedmat n wuccanen-agi γef yemdanen, d llaẓ i ten-yenγan, ulac d acu neγ anda ara d-ččen. Isalli-agi yuzel am lebreq, yuγ tudrin sumata. Issefk akken imdanen a d-dukkulen d tirbuεa γer lqeḍ n uzemmur akken a d-ḥarben γef yimad-nsen. Tabγest yelhan i lqeḍ n uzemmur, nessaram a d-teqwu lγella.
Islam Bessaci