Amtar neɣ tawatra, akken i d as-qqren di kra n temnaḍtin, d yiwet n tedyant mucaɛen taggara–agi di tmurt-nneɣ, almi i t-tuɣal d axeddim ɣer kra n yimdanen. Amek ihi, mara waliḍ belli krak ra yimattaren sekcamen-d aktar n umestajar. Dɣa dayen id aɣ-d-iwekked Samir C, yiwen ukumersi : « ass-nni la recette-iw tessaweḍ ɣar 5000 n yidinaren. Tameddit, tusa-d ɣur-i tmattart yellan, si sbaḥ, ɣef yiri n tḥanut-iw, tewwi-id 6500 n yidinaren n ṣserf ad sen-tbedleɣ s lkaɣeḍ. Tessewhem-iyi !». Yella wayen yugaren aya i d aɣ-d-yenna Fouad A « tasebḥit n wass nni laxmis walaɣ yiwen yeččur-d afurgu d tilawin d warrac, Yessaweḍ-iten ar tewwurt n ssuq i sarreḥ-asen din ad ttren. Lewhi n tmeddit yuɣal-d ɣur-sen ». Akka yuɣal uqelmun s iḍaṛṛen mi ara tafeḍ yiwen yezmer ad ihud leṣwar i tettar u alukan as tiniḍ yya-n ad txedmeḍ ad ak d yinni ayen i ɣef ur tebniḍ ara… !
Mazigh Ait Sai