Tiddukla Touiza Solidarité yellan di Marseille di tmurt n Fransa akked tiddukla A.J.I.E (Association pour la Jeunesse Innovatrice et l’Environnement) n Tizi Wezzu heggant-d yiwen n ttawil swayes ara εiwnent ilmeẓyen d tlemẓiyin akken ad d-xelqen tikebbaniyin-nsen. Isenfaren zemren ad ilin, γef wakken i aγ-d-tenna tselwayt n tiddukla A.J.I.E, d wid n tfellaḥt, twennaṭ neγ n tẓuri…
Tiddukliwin-agi ad εiwnent aseggas-agi 38 n yisenfaren. Aεiwen ad d-yili si snat lğihat : tamezwarut ad ṣḥefḍen i yilmeẓyen-agi amek sselḥuyen tikabbaniyin, tis snat s tedrimt imi yal bab n usenfar yezmer ad as-d-reḍlen alamma d 350 000 idinaren.Acu kan tamsalt teεna kan wid i d-yezzin i temnaṭ n Teksabt, teεna kan 19 n tγiwanin gar 67 i tesεa lwilaya n Tizi Wezzu. Aεiwen mazal ad ikemmel sya d afella, γef wanect-a, dγa, i d-tger tiγri tselwayt n tiddukla A.J.I.E i wid yesεan isenfaren i useggas 2011.
Hocine. M
Tala Athmane
Yuγal-d sser d liser γer taddart ?
Anda teddiḍ, ddurt-a, di taddart n Tala Athmane, ad tafeḍ imezdaγ-is heddren γef ‘’ttberna-nni’’ i γelqen iγallen n laman. ‘’Ttberna-agi’’ neγ εad d ’’axxam ameqqran’’, yezga-d di taddart. ‘’Aṭas aya seg-mi i nettcetki, meεna ulac win i aγ-d-yeslan. Armi ula d imezda&gamma,; taggara-a, bran i ṭṭbel deg waman’’. I aγ-d-yenna B.L.Σlaḥsab n yisallen i aγ-d-yewwḍen, kecmen iγallen n laman axxam-a tameddit n wass, ṭṭfen tilawin i yufan din u wwin kra yellan d sselεa. ‘’Ayen yessewhamen, acuγer armi d tura ? Ad tafeḍ imi i d-yejbed leflani iman-is seg uxxam-a’’ i aγ-d-yenna
Hocine. M