Ilula Umalu d yiwet n tɣiwant i yesaramen ad tawi abrid n unegmu am nettat am tɣiwanin nniḍen, tezga-d deg unẓul n twilayt n Tizi Wezzu, tesseɛ azal n 50.37 km2 am akken llant deg-s 17 n tudrin. Tuget n yimezdaɣ ines, i yewḍen ɣer wazal n 13 000, d ilmeẓyen. Imḍebbren n tɣiwant d wid yerran lwelha nsen ɣer yilmeẓyen-a s usewjed n ttawilat i asen-ilaqen deg uḥric n waddal d yidles s lebni n uxxam n yilmeẓyen, annar n turart d wannar n waddal deg tudrin n At Laziz, Mezgan, Agusim. Si tamma nniḍen, yella-d lebni n yixxamen n yilmeẓyen d yinurar n waddal deg Maraɣna deg tudrin Igeb, lemsella, At Laḥsen, Abruɣes, Iḥamziyen, At Ali Muḥend, Ëioeb d Bubhi. Ad ner lwelha belli taɣiwant- agi ideg llan 13 n yixxamen n yilmeẓyen tettidir deg lixsas n leqdic adelsan. Ḥala tameɣra n tbexsisin i-d tessewjad tidduka tadelsant Tiɣilt lemsella, d tfaska n tqendurt n leqbayel i-d tessewjad tiddukla tadelsant tagmat Iḥamzian, d kra n temliliyin i-d tessewjad tiddukla tadelsant Tanekra n taddart Maraɣna, ma d tidukliwin tidelsanin nniḍen ur zmirent ara I leqdic s ssebba n lixsas n tedrimt.
D.IMGALINE
Lgaz n temdin deg M’kira d Suq Letnin
Asiweḍ n lgaz n temdint deg twilyt n Tizi Wezzu d win ara yawḍen ɣer 100% deg useggas n 2014 mi akken yella tura deg 40%. Isalli-agi d win i d-wekden kra n yimḍebbren. Asenfar- agi d win i d- isqamen tadrimt meqren n wazal n 22 n yimelyunen n yidinaren ilmend n usiweḍ-is ɣer 130 000 n yixxamen. Gar tɣiwanin i d- yesfayedan s usenfar-a ad naf M’kira wuɣur ara yaweḍ lgaz aseggas-a imi lecɣal d wid yebdan deg umkan Iwumi qqaren Tiɣilt Bugni. Si tama nniḍen, yettili-d ukemmel n lecɣal n usiweḍ n lgaz deg temnaḍt n Taḥceî. Maca asenfar- agi d win iḥuzan ala axxam n tɣiwant d tudrin i tt-id-iqerben imi ad yelḥu ɣef teɣzi n 65 Km. Deg tɣiwant n Ssuq Letnin, lecɣal d wid ara yebdun deg kra n wussan akka zdat- neɣ. Si tama nniḍen, ad nerr lwelha belli taɣiwant n At Wagnun anida kfan lecɣal n ucuddu ɣer uqadus n lgaz n temdint mazal ur d-yelli ara userreḥ- ines.
D.I