Seg O5 Yulyu n 1962 ar O5 yulyu n 2O10, mačči d yiwet i iɛeddan ɣef uqerru n… Tmurt. Adabu i d-ibedden, yegla-d s ddimuqratiya-ines. Tamezwarut akk, mi iɛedda usfunteḥ n Ben Bella, d ddimuqratiya n “tewra el ictirakiya”. Yesserwa-yaɣ Boumèdienne Fidel Castro d Mao Tsé Tong “almi d imi, nuɣal nettgergiɛ laẓ”.
Yemmut Boumèdienne (neɣ nɣant!?), yennulfa-d Chadli Bendjdid, tennulfa-d “ddimuqratiya lmesula», tikwal “teḥta ḍil atawabit», tikwal “teḥta ḍil el islam”.
Di ddula n Chadli dɣa i d-banen yedrimen n pétrole, i tuɣ aẓar “l’économie de bazar”. Bezzeɛ lulu yessaweḍ ad nzent teflukin di Tamanraset, yessaweḍ même ad aɣ-d-yaɣ “Le défi algérien”. Deg yiseggasen-nni n Chadli i d-nulfa daɣen “tewra el islamya n Khomeini”. Imir i yebda l’intégrisme yettenfufud am tmes ddaw n yiɣiɣden. Yeqqen udabu allen-is ɣef unfufed-nni.
Ugar n waya, yeldi-d tiwwura i kra n win yessawalen awal n Rebbi.
Tfuk “ddimuqratiya el ictirakiya», yedda udabu deg ubrid n “islam ddin ddula”. Di Tmurt n leqbayel, tlul-d Tefsut Imaziɣen. Yezzi udabu s uɛrur i tiɣri n tugdut. yeddem-d aɛekkaz ad yerreẓ Tafsut. Telḥeq-d “la révolution Stan smith” n Tuber 88. Adabu yeffeɣ-it leɛqel. Mačči akken tt-yenwa i teffeɣ. Yeldi-d uceqqiq n tewwurt i yikabaren n tugdut, tcemmer s tehri i yikabaren islamawiyen. FIS yuɣ lezzayer s “mebla rebbi ncallah”. Tamurt tetteddu s iɣẓer. Tenṭeq-d la grande muette : tekkes Chadli, terra FIS ar lḥebs.
Atan ssawlen i Boudiaf. Ilul-d usirem anect-ilat. Yezreɛit “Boudy», ubel ad tènɣen di Ɛennaba. Rrebrab yekkat s lqedd-is. Mazal cwiṭ ad yaweḍ lebɣi-s. Ataya Zeroual d Rédha Malek mmtafaqen belli “la peur allait changer de camp”. Aya ur yettdum ara. “Le chaud et le froid’’ yesnulfa-d “Rraḥma”. Rraḥma-agi tuɣal d la réconciliation nationale di ddula n Bouteflika. Mazalaɣ di ddula n Bouteflika. Rebrab yuɣal cwiṭ ar deffir, tadrimt tella, tugdud-nni n dictionnaire wiss melmi ara d-tennulfu. Mebla ccek asmi ara faken, akken i d as-yenna win, “les produits inutiles d’une démocratie ratée”. Sya ar ass-nni “Taḥya Lǧzayer !”
Salas.O.A
*Yeffeɣ-d yakan di yulyu 2009