Sbanen-d sin n yimḍebren-nni n lwilaya n Djelfa tiγyulit-nsen mi d-usan ad ḥeḍren i temlilit i yexdem Usqamu Unnig n Timmuzγa γef ungal amaziγ. Dehcen wid i sen-yeslan, mi as-yenna yiwen seg-sen i wayeḍ : « Tamaziγt d lluγa n listiεmar !! », nutni tuγ-iten imir kan i d-ffγen deg tzeqqa n yisaragen n uxxam n yidles, ideg d-fkan awal-nsen yeččuṛen d nnifaq γer yidis n mass Yousef Merahi, i asen-ixedmen leqder ur uklalen, γas ma zdat-s nnan : « Ḥna neftaxṛu bel-amaziγiyya, alli hiya hawiyat-na wa luγat-na al-εariqa… !! ». S tewzel, sin iyennaten-agi, yeqqlen d imḍebren di tmurt i d-ḥellan ccuhada-nneγ γlayen, ur ṣliḥen ara ula i useṛḍeb n yiseγwan.
