Gar 14 d 21 deg waggur-agi deg-i i nella i d-teḍra tfaska tadelsant n talaxt di temdint n Lemεatqa. Tettwasen temdint-a, dγa, s ufexxar-is (talaxt) imi yal tasuta teğğa-d lḥirfa i tayeḍ. Γef wakken i aγ-d-nnan, aṭas n twaculin i yettεicin s uxeddim-a.
Tafaska-agi bγan-tt yimḍebbren ad tili d taswiεt anda ara mbeddalen wid teεna temsalt timusniwin-nsen. Am wakken bγan, di&gamma,; ad sfiqqen ilmeẓyen s wazal i tesεa talaxt deg yidles. I lmend n waya, ihi, heggan-d ahil n 5 wussan : timsikent, isaragen, tamedyazt, ccna…
Ma γef wamek tedda tfaska-a, nnan-d :
Sliman : ‘’Axir zik-nni wala tura. Ulac akk win i d-yemmeslayen γef lḥirfa-agi n talaxt, ulac asarag γef ufexxar. Tafaska n talaxt mebla talaxt. Icebba-yi Rebbi wwet kan tεeddiḍ. Yerna tura i llan yidrimen.’’
Lḥusin : ‘’ ad tγileḍ di Lεiraq i telliḍ. Ulac akk tira s tmaziγt. Ala taεrabt, tikwal teddun-d kra n yisekkilen n tifinaγ ddaw maḍi, d imecṭaḥ : ur d-ttbanen ara. Ahbuh a mmi, ma akka-agi i sseḥbibiren γef yidles !’’
Nasim : ‘’ d ayen yelhan, usan-d si yal tama n tmurt xas mačči d afexxar i xeddmen. Nessaram afud igerrzen i wid akk i d-yelhan s uḥric-a’’
Hocine. M